Navratri Special Recipe: નવરાત્રિના ઉપવાસ દરમિયાન ચોક્કસ બનાવો સાબુદાણા વડા- બનાવવા માટે ટ્રાય કરો આ સ્ટેપ્સ
શારદીય નવરાત્રિના વ્રત દરમિયાન જો તમે કંઈક ક્રિસ્પી અને ટેસ્ટી ફરાળ ખાવા માંગતા હોવ, તો આ સાબુદાણા વડા બેસ્ટ ઓપ્શન છે. સાબુદાણા પલાળવાથી લઈને ક્રિસ્પી તળવા સુધીની સંપૂર્ણ અને સરળ રીત જાણો.
શારદીય નવરાત્રિ નજીક આવી રહી છે અને સમગ્ર દેશમાં તે ભારે ઉત્સાહ સાથે ઉજવાય છે. આ તહેવાર દરમિયાન અસંખ્ય લોકો ઉપવાસ રાખતા હોય છે. ઘણા લોકો માત્ર ફળાહાર કરે છે, તો કેટલાક લોકો સિંધવ મીઠાવાળો સાત્વિક આહાર લે છે.
ઉપવાસ દરમિયાન શું ખાવું અને શું ન ખાવું એ પ્રશ્ન ઘણીવાર મૂંઝવતો હોય છે. આવી સ્થિતિમાં સાબુદાણા એક ઉત્તમ વિકલ્પ છે. આજે અમે તમને જણાવીશું કે સાબુદાણાની ખીચડી કે ખીર ઉપરાંત તમે તેને સ્વાદિષ્ટ વડા તરીકે કેવી રીતે બનાવી શકો છો.
સ્ટેપ 1: સાબુદાણાને યોગ્ય રીતે પલાળવા: સાબુદાણા વડા બનાવવા માટે સૌથી પહેલાં 1 કપ સાબુદાણાને સારી રીતે ધોઈને ઓછામાં ઓછા 5 કલાક અથવા આખી રાત પલાળી રાખવા જરૂરી છે. પાણી એટલું જ હોવું જોઈએ કે સાબુદાણા તેમાં ડૂબી જાય. સાબુદાણા બરાબર પલળવા એ સૌથી મહત્વનું પગલું છે; તે વધુ પડતા સોફ્ટ કે વધુ કડક ન રહેવા જોઈએ, કારણ કે તેના પર જ વડાનો ટેક્સચર નિર્ભર કરે છે.
સ્ટેપ 2: સીંગદાણા શેકીને પાઉડર બનાવવો: હવે એક કઢાઈમાં સીંગદાણા (મગફળી) લઈ તેને ધીમી આંચ પર શેકી લો. સીંગદાણા આછા ગુલાબી-બ્રાઉન થાય એટલે તેને ઠંડા કરી મિક્સર જારમાં અધકચરા (દરદરા) પીસી લો.
સ્ટેપ 3: મિશ્રણ તૈયાર કરવું: ત્યારબાદ એક મોટા બાઉલમાં 3-4 બાફેલા બટાકા લઈને તેને બરાબર મેશ કરી લો. હવે તે બટાકામાં પલાળેલા સાબુદાણા, અધકચરી પીસેલી સીંગદાણા, ઝીણાં સમારેલાં લીલાં મરચાં, તાજી કોથમીર, બાઈન્ડિંગ માટે થોડો કૂટ્ટુનો લોટ (અથવા રાજગરાનો લોટ), સ્વાદ મુજબ સિંધવ મીઠું અને થોડો લીંબુનો રસ ઉમેરો.
સ્ટેપ 4: મિક્સ કરીને તળી લેવા: આ તમામ સામગ્રીને એકસાથે બરાબર મિક્સ કરીને લોટ જેવો ડો બનાવી લો. ત્યારબાદ હાથમાં થોડું તેલ લગાવી મનપસંદ સાઈઝના વડા બનાવી લો. કઢાઈમાં તેલ ગરમ કરી મધ્યમ આંચ પર બંને બાજુ ગોલ્ડન બ્રાઉન અને ક્રિસ્પી થાય ત્યાં સુધી તળી લો. તમારા ગરમા-ગરમ અને કુરકુરા સાબુદાણા વડા તૈયાર છે, જેને વ્રતની લીલી ચટણી કે દહીં સાથે પીરસો.
ડિસ્ક્લેમર: આ માહિતી ઇન્ટરનેટ અને સોશિયલ મીડિયાના વીડિયો પર આધારિત છે. ઉપયોગ કરતા પહેલા પોતાના વિવેકબુદ્ધિનો ઉપયોગ કરવો.
