સવારે ઊઠતાં જ ગળામાં ખરાશ અને શરદી જેવી તકલીફ થાય છે ? આ 5 ઉપાય અપનાવો
શું તમને સવારે ઊઠતાં જ ગળામાં ખરાશ, હળવી ઉધરસ અને છીંકો આવવાની સમસ્યા રહે છે? આ લક્ષણો એલર્જી અને શરદી ઉપરાંત હવાના પ્રદૂષણને કારણે પણ થઈ શકે છે. બદલાતી ઋતુમાં ગળા અને નાકને સ્વસ્થ રાખવા માટે અત્યારથી જ કેટલીક સાવચેતી રાખવી જરૂરી છે.
ઠંડી વધવાની સાથે હવામાં પ્રદૂષણનું પ્રમાણ પણ વધી શકે છે. તેના કારણે ઘણા લોકોને સવારે ગળામાં હળવી ખરાશ અનુભવાય છે અને ઊઠ્યા બાદ શરદી જેવાં લક્ષણો દેખાય છે. (Image Source | AI Generated)
હવામાં રહેલા અતિસૂક્ષ્મ પ્રદૂષક કણો શ્વાસ દ્વારા ફેફસાં સુધી પહોંચી શકે છે. કેટલાક કણો અને પ્રદૂષકો શરીરમાં સોજો તથા અન્ય સ્વાસ્થ્ય સમસ્યાઓનું જોખમ વધારી શકે છે. (Image Source | AI Generated)
પ્રદૂષણથી ગળા અને નાકને રાહત આપવા માટે અનેક ઉપાયો છે. જેમાં તમે સવારે ઊઠીને હૂંફાળું પાણી પી શકો. તે પીવાથી ગળાની ખરાશમાં રાહત મળી શકે છે. મધ સાથે હૂંફાળું પાણી પણ ઉધરસને શાંત કરવામાં મદદરૂપ છે. (Image Source | AI Generated)
એક ગ્લાસ હૂંફાળા પાણીમાં અડધી ચમચી મીઠું ભેળવી કોગળા કરવાથી ગળાની ખરાશમાં રાહત મળી શકે છે. દૂધમાં હળદર ઉકાળીને પીવાથી સ્વાસ્થ્ય જાળવવામાં મદદરૂપ થઈ શકે છે. (Image Source | AI Generated)
હવામાં પ્રદૂષણનું પ્રમાણ વધારે હોય ત્યારે બહાર જવાનું ઓછું રાખવું જોઈએ. બહાર જવું જરૂરી હોય તો માસ્ક પહેરો. માસ્ક સૂક્ષ્મ પ્રદૂષક કણોનો સંપર્ક ઘટાડવામાં મદદ કરી શકે છે. (Image Source | AI Generated)
પ્રદૂષણ વધારે હોય ત્યારે બારીઓ અને દરવાજા બંધ રાખવા. શક્ય હોય તો યોગ્ય ક્ષમતાવાળું એર પ્યુરિફાયર વાપરવું. ગળાની ખરાશ અને ઉધરસ લાંબા સમય સુધી રહે, શ્વાસ લેવામાં તકલીફ થાય, છાતીમાં દુખાવો થાય અથવા લક્ષણો વધે, તો ડોક્ટરની સલાહ લેવી. (Image Source | AI Generated)
નોંધ : આ સમાચારમાં આપવામાં આવેલી માહિતી સામાન્ય જાણકારી પર આધારિત છે. TV9 ગુજરાતી તેની પુષ્ટિ કરતું નથી. (Image Source | AI Generated)
