કેન્દ્રીય કર્મચારીઓને મોદી સરકાર આપશે મોટી ભેટ, આ કર્મચારીઓને થશે ફાયદો
નરેન્દ્ર મોદી સરકારના નવા કાર્યકાળમાં કેન્દ્રીય કર્મચારીઓને મોટી ભેટ મળી શકે છે. પીએમ મોદી અને કેન્દ્રીય મંત્રીઓએ 09 જૂન 2024ના રોજ શપથ લીધા છે, ત્યારે પીએમ મોદીએ પહેલા પણ કહ્યું હતું કે મોદી 3.0 મોટા નિર્ણયોનો રહેશે. ત્યારે મોદી સરકાર બન્યા બાદ પહેલું કામ મોદી સરકારે ખેડૂતોના હપ્તાનું કર્યું છે.
નરેન્દ્ર મોદી સરકારના નવા કાર્યકાળમાં કેન્દ્રીય કર્મચારીઓને મોટી ભેટ મળી શકે છે. સરકાર નેશનલ પેન્શન સિસ્ટમ (NPS) હેઠળ કેન્દ્ર સરકારના કર્મચારીઓના પેન્શન લાભોમાં મોટો વધારો કરવાની યોજના બનાવી રહી છે.
આ અંતર્ગત કર્મચારીઓને પેન્શનના રૂપમાં છેલ્લા બેઝિક સેલરીના 50 ટકા સુધીની ગેરંટી મળશે. જો તમે સરળ ભાષામાં સમજીએ તો નિવૃત્તિ પહેલા કર્મચારીના છેલ્લા બેઝિક પગારના 50 ટકા માસિક પેન્શન તરીકે આપવામાં આવશે.
નરેન્દ્ર મોદી સરકારના બીજા કાર્યકાળ દરમિયાન માર્ચ 2023માં નાણાં સચિવ ટીવી સોમનાથનની અધ્યક્ષતામાં એક પેનલની રચના કરવામાં આવી હતી. જૂની પેન્શન સિસ્ટમ (OPS) પર પાછા ફર્યા વિના સરકારી કર્મચારીઓ માટે NPS હેઠળ પેન્શન લાભો વધારવાના માર્ગો સૂચવવા માટે પેનલની રચના કરવામાં આવી હતી. સરકારે આ નિર્ણય એવા સમયે લીધો છે જ્યારે ઘણા રાજ્યોએ NPS છોડીને OPSમાં પાછા ફરવાનું શરૂ કરી દીધું છે.
એક ખાનગી પોર્ટલમાં મળેલા સમાચાર મુજબ, પેનલે મે મહિનામાં પોતાનો રિપોર્ટ સરકારને સોંપી દીધો છે. આ અહેવાલ મોટાભાગે 2023માં લાગુ કરાયેલ આંધ્રપ્રદેશ NPS મોડલને પ્રતિબિંબિત કરે છે. તેને જૂની અને નવી પેન્શન યોજનાનું મિશ્ર મોડલ કહી શકાય.
આંધ્ર પ્રદેશ ગેરંટીડ પેન્શન સિસ્ટમ (APGPS) એક્ટ, 2023 હેઠળ, સરકારી કર્મચારીઓને તેમના છેલ્લા પગારના 50 ટકા માસિક પેન્શન તરીકે આપવામાં આવશે. આમાં મોંઘવારી રાહત એટલે કે ડીઆરનો પણ સમાવેશ થશે. આ સિવાય મૃતક કર્મચારીના જીવનસાથીને માસિક પેન્શનના 60 ટકા ગેરંટી આપવામાં આવે છે.
નવા પ્રસ્તાવ હેઠળ કેન્દ્રીય કર્મચારીઓને છેલ્લા બેઝિક સેલરીના 50 ટકા સુધી પેન્શન ગેરંટી મળશે. બાંયધરીકૃત પેન્શનની રકમને પહોંચી વળવા માટે જરૂરી પેન્શન ફંડમાં કોઈપણ ખામીને કેન્દ્ર સરકારના બજેટમાંથી આવરી લેવામાં આવશે. તેનાથી લગભગ 8.7 મિલિયન કેન્દ્ર અને રાજ્ય સરકારના કર્મચારીઓને ફાયદો થઈ શકે છે. આ તે કર્મચારીઓ હશે જે 2004થી NPSમાં નોંધાયેલા છે.