શું મોબાઈલ ટાવર માનવ સ્વાસ્થ્ય માટે હાનિકારક છે ? WHO શું કહે છે જાણો
વધતાં શહેરીકરણ અને ટેકનોલોજીના યુગમાં શું મોબાઇલ ટાવર માનવો માટે ઘાતક હોઈ શકે છે તેમ થાય છે, અને આજ સવાલ લાંબા સમયથી લોકોના મનમાં ડર પેદા કરી રહ્યો છે. ચાલો જાણીએ સરકાર અને WHO એ શું પ્રતિક્રિયા આપી છે.
ભારત સરકારે મોબાઇલ ટાવર્સની સલામતી અંગેના નિયમો કડક બનાવ્યા છે. 2008 થી, આંતરરાષ્ટ્રીય સ્તરે સ્થાપિત ICNIRP માર્ગદર્શિકા કરતા દસ ગણા કડક ધોરણો અમલમાં મૂકવામાં આવ્યા છે. વધુમાં, ભારતમાં મોબાઇલ ટાવરમાંથી નીકળતા રેડિયેશન માટેની સલામત મર્યાદા ની ભલામણ WHO દ્વારા નક્કી કરેલ મર્યાદાની માત્ર દસમા ભાગની છે. આનો અર્થ એ થાય કે વધારાની સલામતી અને સાવચેતી રાખવામાં આવે છે.
જો કોઈ ટાવર નિર્ધારિત ધોરણો કરતાં વધુ રેડિયેશન ફેલાવતો જોવા મળે તો, ભારે દંડ લાદવામાં આવે છે, અને જો જરૂરી હોય તો, ટાવરને બંધ પણ કરી શકાય છે.
WHO એ મોબાઇલ ટાવર અને કેન્સર વચ્ચેના જોડાણ પર વ્યાપક અભ્યાસ પણ કર્યા છે. વિશ્વભરમાં પ્રકાશિત થયેલા લગભગ 25,000 અભ્યાસો અને લેખોની સમીક્ષા કર્યા પછી, WHO એ સ્પષ્ટપણે જણાવ્યું છે કે બેઝ સ્ટેશનો અને વાયરલેસ નેટવર્ક્સ દ્વારા ઉત્સર્જિત નબળા રેડિયો ફ્રીક્વન્સી તરંગો સ્વાસ્થ્ય જોખમોનું કારણ બને છે તેવા કોઈ નક્કર વૈજ્ઞાનિક પુરાવા નથી. પછીના વર્ષોમાં, WHO એ 5G નેટવર્ક્સ અંગે પોતાની સ્થિતિનું પુનરાવર્તન કર્યું, અને કહ્યું કે વાયરલેસ ટેકનોલોજીમાં કેન્સર અથવા અન્ય ગંભીર રોગોનું કોઈ જોખમ સાબિત થતું નથી.
