Stock Market : ‘LG Electronics’ નો IPO સુપરહિટ ! રોકાણકારો તૂટી પડ્યા, પહેલા જ દિવસે મળ્યો ગજબનો રિસ્પોન્સ
LG ઇલેક્ટ્રોનિક્સ ઇન્ડિયાનો IPO રોકાણકારોમાં ઉત્સાહનો માહોલ બનાવી રહ્યો છે. વાત એમ છે કે, પહેલા દિવસે જ IPO સંપૂર્ણપણે સબસ્ક્રાઇબ થઈ ગયો છે.
IPO ની ગ્રે માર્કેટ પ્રીમિયમ (GMP) લગભગ 24% છે. અનઓફિશિયલ માર્કેટમાં શેર લગભગ ₹1,410 પર ટ્રેડ થઈ રહ્યા છે, જે સારું લિસ્ટિંગ થશે તેવું દર્શાવે છે.
લક્ષ્મીશ્રી ઇન્વેસ્ટમેન્ટ્સના રિસર્ચ હેડ અંશુલ જૈને જણાવ્યું હતું કે, "એલજી ઇલેક્ટ્રોનિક્સ ઇન્ડિયા લિમિટેડ પાસે મજબૂત પકડ છે અને ફાઇનાન્સિયલ પર્ફોમન્સ પણ શાનદાર છે. રોકાણકારોએ લાંબાગાળાના ઉદ્દેશ્ય સાથે આ IPOમાં સબ્સ્ક્રાઇબ કરવું જોઈએ."
બીપી ઇક્વિટીઝે પણ આ ઇશ્યૂમાં રોકાણ કરવાની ભલામણ કરી હતી. તેમાં કહેવામાં આવ્યું છે કે, "કંપનીએ તેના સ્પર્ધકોની તુલનામાં વધારે નફો અને મજબૂત રિટર્ન રેશિયો દર્શાવ્યો છે, જે તેના બિઝનેસ મોડેલની સફળતા છે."
આ IPO માટે સબ્સ્ક્રિપ્શન 7 ઓક્ટોબરથી 9 ઓક્ટોબર સુધી ખુલ્લું રહેશે. શેર એલોકેશન 10 ઓક્ટોબરના રોજ થશે તેવી આશા છે. 14 ઓક્ટોબરના રોજ BSE અને NSE બંને પર સ્ટોક લિસ્ટ થવાની અપેક્ષા છે.
