વડનગર પર ક્રિએટિવ રીલ બનાવો અને રોકડ ઇનામ જીતો, જાણો વિસ્તારથી
જો તમને પણ રીલ બનાવવાનો શૌખ છે. તો આ તક હાથમાંથી જવા ન દેતા કારણ કે, માત્ર સેકન્ડોની રીલ બનાવી મોટી રકોડ રકમ જીતવાની સુંદર તક છે. તો ચાલો વિસ્તારથી જાણીએ.
શું તમે વડનગરના વારસા અને વિકાસની અનોખી સફરને તમારી સર્જનાત્મકતા દ્વારા દુનિયા સમક્ષ રજૂ કરવા તૈયાર છો? gujarat.information દ્વારા આ માહિતી શેર કરવામાં આવી છે.જો તમે પણ ભાગ લેવા માંગો છો તો mygov.in પોર્ટલની મુલાકાત લઈ વિશેષ માહિતી મેળવી શકો છો
વડનગર વિરાસત ભી, વિકાસ ભી રીલ બનાવી તમે મોટી રકમ જીતી શકો છો. આ સ્પર્ધાનો સમયગાળો 13 ઓગસ્ટથી 11 સપ્ટેમ્બર 2026 સુધીનો રહેશે. તો આજે જ તમારું રજિસ્ટ્રેશન કરાવી દો.
હવે આપણે રીલ માટેની આવશ્યકતાઓ વિશે વાત કરીએ તો. રીલ્સનું રિઝોલ્યુશન ન્યૂનતમ 720pનું રહેશે. તેમજ આ રીલ્સ તમારે ગુજરાતી, હિન્દી અથવા અંગ્રેજીમાં બનાવવાની રહેશે.
આ રીલ્સ માટે સમયગાળો 30 થી 60 સેકન્ડનો નકકી કરવામાં આવ્યો છે. સ્ટોક ઈમેજીસનો ઉપયોગ કરી શકશો. તેમજ મહત્વની તેમજ ખાસ સુધના સ્પર્ધકો માટે એ છે કે, એઆઈ દ્વારા તૈયાર કરાયેલ કન્ટેન્ટ અથવા કોપિરાઈટ ધરાવતા કન્ટેન્ટ સ્વીકાર્ય નથી.
વડનગરની આપને ગમતી બાબત પર સર્જનાત્મક રીલ બનાવો અને વડનગરની ઐતિહાસિક વિરાસત, સંસ્કૃતિ, પરંપરા, વિકાસ, સ્થળો, લોકો કે વિશેષતાઓને તમારી નજરે રજૂ કરવાની એક સુંદર તક છે.
કોણ ભાગ લઈ શકે? કોઈપણ વયજૂથના નાગરિકો આ સ્પર્ધામાં ભાગ લઈ શકે છે. આટલું જ નહી સરકારી અધિકારીઓ અને કર્મચારીઓ પણ ભાગ લઈ શકશે છે. જો તમે આ સ્પર્ધામાં વિજેતા થાવ છો. તો તમને મોટી ઈનામી રકમ આપવામાં આવશે.
પ્રથમ સ્થાન માટે 31,000, દ્વિતીય સ્થાને 21,000 અને તૃતીય સ્થાને રહેનાર સ્પર્ધકને 11,000 રુપિયાનું ઈનામ આપવામાં આવશે. જો તમે પણ આ સ્પર્ધામાં ભાગ લેવાનું વિચારી રહ્યા છો. તો આ લિંક પર ક્લિક કરી https://www.mygov.in/task/vadnagar-virasat-bhi-vikas-bhi-reel-competition તમામ માહિતી અપલોડ કરવાની રહેશે. (Photo : gujarattourisam,gujarat.information)
