નવા અવતારમાં આવી રહી છે મહિન્દ્રા સ્કોર્પિયો, ડિઝાઇન અને ફીચર્સ હશે કમાલના, જાણો ક્યારે થશે લોન્ચ
મહિન્દ્રાએ ગયા વર્ષે ગ્લોબલ પિકઅપ ટ્રક રજૂ કરી હતી. કંપની આ મામલે એક પગલું આગળ વધી છે. મહિન્દ્રાએ Scorpio X નામનો ટ્રેડમાર્ક રજીસ્ટર કરાવ્યો છે. કંપની આ નામથી પાવરફુલ પિકઅપ ટ્રક લોન્ચ કરી શકે છે. નવી પિકઅપ ટ્રક ટોયોટા હિલક્સ અને ઇસુઝુ ડીમેક્સ જેવા મોડલ્સ માટે મુશ્કેલ પડકાર ઊભો કરશે.
મહિન્દ્રાએ ગયા વર્ષે ગ્લોબલ પિકઅપ ટ્રક રજૂ કરી હતી. કંપની આ મામલે એક પગલું આગળ વધી છે. મહિન્દ્રાએ Scorpio X નામનો ટ્રેડમાર્ક રજીસ્ટર કરાવ્યો છે. સ્કોર્પિયો નામનો લાભ લઈને કંપની આ ટ્રકને રફ ડ્રાઇવિંગ સાથે રજૂ કરી શકે છે.
મહિન્દ્રાનું પ્લાનિંગ હંમેશા ચોંકાવનારું રહ્યું છે. કંપનીએ અગાઉ દક્ષિણ આફ્રિકામાં થારનો ઇલેક્ટ્રિક કોન્સેપ્ટ પણ રજૂ કર્યો હતો. તે જ સમય દરમિયાન મહિન્દ્રાએ ગ્લોબલ પિકઅપ ટ્રકનું અનાવરણ કર્યું હતું. હવે સ્કોર્પિયો એક્સ નામની નવી પિકઅપ ટ્રક લોન્ચ કરવાની તૈયારીઓ ચાલી રહી છે.
મહિન્દ્રાની ગાડીઓમાં Scorpio X ત્રીજું એવું મોડલ હશે, જેના માટે સ્કોર્પિયો નામનો ઉપયોગ કરવામાં આવી રહ્યો છે. સ્કોર્પિયો ક્લાસિક અને સ્કોર્પિયો એન પહેલેથી જ સ્કોર્પિયો બેનર હેઠળ વેચાય છે. Scorpio Xની વાત કરીએ તેની કેટલીક વસ્તુઓ Scorpio N જેવી હોઈ શકે છે.
Scorpio Xમાં લેવલ 2 ADAS, સેમી-ઓટોમેટિક પાર્કિંગ, 5G કનેક્ટિવિટી જેવી સુવિધાઓ મળવાની અપેક્ષા છે. સલામતી અને આરામ માટે સનરૂફ અને ટ્રેલર સ્વે મિટિગેશન હોઈ શકે છે.
સ્કોર્પિયો Xમાં Gen 3 ઓલ એલ્યુમિનિયમ mHawk ડીઝલ એન્જિનનો ઉપયોગ કરી શકાય છે. તેમાં 6 સ્પીડ મેન્યુઅલ અને 6 સ્પીડ ઓટોમેટિક ટ્રાન્સમિશન હોઈ શકે છે. આ સિવાય 4WD, મલ્ટીપલ ડ્રાઇવિંગ મોડ જેવા ફીચર્સ આપવામાં આવી શકે છે. આ પિકઅપ મોડલ આવતા વર્ષે માર્કેટમાં આવી શકે છે.
મહિન્દ્રા માટે આ ખૂબ જ મહત્વપૂર્ણ વાહન બની શકે છે. ઈન્ટરનેશનલ માર્કેટને ધ્યાનમાં રાખીને કંપની તેને પહેલા ગ્લોબલ માર્કેટમાં લોન્ચ કરી શકે છે. જે બાદ Scorpio Xને ભારતીય બજારમાં લોન્ચ કરવામાં આવી શકે છે. હાલમાં, આ સેગમેન્ટમાં Toyota Hilux અને Isuzu Dmaxનું વર્ચસ્વ છે. હવે મહિન્દ્રાએ પણ સેગમેન્ટમાં પ્રવેશવાની તૈયારી કરી લીધી છે.