લિયોનેલ મેસ્સીએ રાધિકા અને અનંત અંબાણી સાથે આરતી કરી, હાથીના બચ્ચા સાથે વનતારામાં ફૂટબોલ રમ્યો, જુઓ Photos
વિશ્વપ્રસિદ્ધ ફૂટબોલર લિયોનેલ મેસ્સીએ અનંત અંબાણીના વનતારા વન્યજીવન સંરક્ષણ કેન્દ્રની મુલાકાત લીધી. તેમણે રાધિકા અંબાણી સાથે આરતી કરી અને ‘માનિકલાલ’ હાથીના બચ્ચા સાથે ફૂટબોલ રમ્યા.
વનતારામાં હાલમાં 43 પ્રજાતિના 2,000થી વધુ પ્રાણીઓ રહે છે. અહીં અંદાજે 200 હાથી, 300થી વધુ ચિત્તા તેમજ વાઘ, સિંહ, જગુઆર અને હરણનો સમાવેશ થાય છે. આ ઉપરાંત મગર, સાપ અને કાચબા સહિત 1,200થી વધુ સરિસૃપ પણ અહીં સંરક્ષિત છે. પ્રાણીઓની સંભાળ માટે લગભગ 2,100 લોકોનો પ્રશિક્ષિત સ્ટાફ કાર્યરત છે.
અહીં એક અદ્યતન હાઇ-ટેક પ્રાણી અને પક્ષી હોસ્પિટલ પણ બનાવવામાં આવી છે, જે આશરે 25,000 ચોરસ ફૂટ વિસ્તારમાં ફેલાયેલી છે. 650 એકરમાં પુનર્વસન કેન્દ્ર પણ વિકસાવવામાં આવ્યું છે. હોસ્પિટલમાં એક્સ-રે મશીનો, લેસર ટેક્નોલોજી, હાઇડ્રોલિક સર્જિકલ ટેબલ સહિત અનેક આધુનિક સુવિધાઓ ઉપલબ્ધ છે.
આ મુલાકાત દરમિયાન અનંત અંબાણીએ લિયોનેલ મેસ્સીને અંદાજે ₹10 કરોડ (લગભગ 10 મિલિયન ડોલર) કિંમતની અત્યંત ખાસ ઘડિયાળ ભેટમાં આપી હતી. આ ઘડિયાળ રિચાર્ડ મિલે RM 003-V2 GMT ટુરબિલન ‘એશિયા એડિશન’ છે, જેના વિશ્વભરમાં માત્ર 12 યુનિટ્સ જ બનાવવામાં આવ્યા છે.
તે જ સમયે, અનંત અંબાણી પોતે રિચાર્ડ મિલે RM 056 સેફાયર ટુરબિલન ઘડિયાળ પહેરેલા જોવા મળ્યા હતા, જેની અંદાજિત કિંમત લગભગ ₹45.5 કરોડ હોવાનું કહેવાય છે.
