તમે તમારા બાળકો માટે પોલિસી લેવાનું વિચારો છો તો કામના સમાચાર, LIC એ લોન્ચ કર્યો ‘અમૃતબાલ’ પ્લાન
લોકો 17 ફેબ્રુઆરી 2024થી આ પોલિસીની ખરીદી કરી શકશે. 'LIC અમૃતબાલ' યોજના વ્યક્તિગત, બચત અને જીવન વીમા યોજના છે. તે બાળકોના ઉચ્ચ શિક્ષણ માટે પૂરતું ભંડોળ બનાવે છે. આ સાથે જ બાળકોની અન્ય જરૂરિયાતોને પણ પૂર્ણ કરે છે.
લાઈફ ઈન્સ્યોરન્સ કોર્પોરેશન ઓફ ઈન્ડિયા એટલે કે LIC એ નવી વીમા યોજના લોન્ચ કરી છે. જેનું નામ 'LIC અમૃતબાલ' છે. તેને 'પ્લાન 874' તરીકે પણ ઓળખવામાં આવશે જે ખાસ કરીને બાળકો માટે બનાવવામાં આવ્યો છે. આ એક ચાઈલ્ડ ઈન્શ્યોરન્સ પોલિસી પણ છે.
લોકો 17 ફેબ્રુઆરી 2024થી આ પોલિસીની ખરીદી કરી શકશે. 'LIC અમૃતબાલ' યોજના વ્યક્તિગત, બચત અને જીવન વીમા યોજના છે. તે બાળકોના ઉચ્ચ શિક્ષણ માટે પૂરતું ભંડોળ બનાવે છે. આ સાથે જ બાળકોની અન્ય જરૂરિયાતોને પણ પૂર્ણ કરે છે.
આ પ્લાનમાં લોકોને 1000 રૂપિયાની રકમ પર 80 ના ગુણોત્તરમાં ગેરંન્ટેડ રિટર્ન આપે છે. 80 રૂપિયાનું આ વળતર વીમા પોલિસીની વીમા રકમમાં ઉમેરવામાં આવે છે. જો તમે તમારા બાળકના નામે 1 લાખ રૂપિયાનો વીમો લીધો છે. તો LIC તમારી વીમા રકમમાં 8000 રૂપિયાની ગેરંટી રકમ ઉમેરશે. આ રકમ દર વર્ષે પોલિસી વર્ષના અંતે ઉમેરવામાં આવશે.
આ પોલિસી 30 દિવસથી લઈને 13 વર્ષની ઉંમરના બાળકો માટે લઈ શકાય છે. આ પોલિસીની ન્યૂનતમ પાકતી ઉંમર 18 વર્ષ અને મહત્તમ 25 વર્ષ છે. આ પોલિસી માટે 5, 6 અથવા 7 વર્ષના ટૂંકા ગાળાના પ્રીમિયમ ચુકવણી કરી શકાય છે. મહત્તમ પ્રીમિયમ ચુકવણીની મુદત 10 વર્ષ છે.
આ પ્લાન હેઠળ તમારે ઓછામાં ઓછા 2 લાખ રૂપિયાની રકમનો વીમો લેવો પડશે. તમે 5, 10 કે 15 માં વર્ષે મની બેક પ્લાન જેવી મેચ્યોરિટી સેટલમેન્ટ લઈ શકો છો. આ પોલિસીમાં રોકાણ કરનારાઓને પાકતી મુદત પર વીમાની રકમ અને ખાતરી પૂર્વકના વળતરનો લાભ મળશે. પોલિસી લેનારા લોકો 'સમ એશ્યોર્ડ ઓન ડેથ'નો વિકલ્પ પણ પસંદ કરી શકે છે.