LG લાવી રહ્યું આ વર્ષનો ત્રીજો સૌથી મોટો IPO, ₹11500 એકત્ર કરવાનો લક્ષ્યાંક
દક્ષિણ કોરિયન જાયન્ટ LG ઇલેક્ટ્રોનિક્સની ભારતીય શાખા તેની પ્રારંભિક જાહેર ઓફર (IPO) લોન્ચ કરી રહી છે. આ વર્ષનો ત્રીજો સૌથી મોટો IPO હોવાની અપેક્ષા છે. કંપની ₹11,500 કરોડ એકત્ર કરવાનો લક્ષ્યાંક ધરાવે છે.
જોકે, માર્ચમાં સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (SEBI) તરફથી મંજૂરી મળ્યા પછી, બજારની અસ્થિરતાને કારણે મૂલ્યાંકન ઘટીને $10.5-11.5 બિલિયન થયું, અને કંપનીએ IPO મુલતવી રાખ્યો છે.
કંપનીએ હવે અપડેટેડ ડ્રાફ્ટ રેડ હેરિંગ પ્રોસ્પેક્ટસ (DRHP) ફાઇલ કર્યું છે અને આગામી અઠવાડિયા સુધીમાં અંતિમ સંસ્કરણ સબમિટ કરવાની તૈયારી કરી રહી છે. જોકે, સૂત્રોના જણાવ્યા અનુસાર, IPOનો સમય અને કદ હજુ પણ બદલાઈ શકે છે. IPO સલાહકારોમાં એક્સિસ બેંક અને ભારતમાં કાર્યરત મુખ્ય આંતરરાષ્ટ્રીય બેંકો, જેમ કે મોર્ગન સ્ટેનલી, JPMorgan Chase, BofA સિક્યોરિટીઝ અને સિટીગ્રુપનો સમાવેશ થાય છે.
LG ઇલેક્ટ્રોનિક્સ ઇન્ડિયાનો IPO આ વર્ષે દેશમાં ત્રીજા ક્રમનો સૌથી મોટો IPO હોવાની અપેક્ષા છે. અગાઉ, HDB ફાઇનાન્શિયલ સર્વિસીસ લિમિટેડ અને હેક્સાવેર ટેક્નોલોજીસ લિમિટેડ જેવા મોટા નામો બજારમાં પ્રવેશી ચૂક્યા છે. આ વર્ષે અત્યાર સુધીમાં, IPO દ્વારા $10 બિલિયનથી વધુ એકત્ર કરવામાં આવ્યા છે.
