Business Idea : કપડાં ધોવાના સાબુ બનાવવાનો વ્યવસાય શરૂ કરો, દર મહિને તગડી કમાણી કરશો
હાલની તારીખમાં કપડાં ધોવાના સાબુનો બિઝનેસ ખુબ જ તેજીમાં છે. નોંધપાત્ર બાબત એ છે કે, આની માંગ ક્યારેય ઘટતી થતી નથી. આજના સમયમાં કપડાં ધોવાના સાબુનો વપરાશ સતત વધી રહ્યો છે.
સાબુ બનાવવાના વ્યવસાય માટે મશીન ઉપરાંત બીજી ખાસ સામગ્રીની પણ જરૂર પડે છે. ટૂંકમાં કાચા માલનો ખર્ચ આશરે ₹3,000 થી ₹15,000 થાય છે અને મજૂરીનો ખર્ચ ₹5,000 થી ₹10,000 જેટલો થાય છે. સેટઅપનો ખર્ચ આશરે ₹20,000 થાય છે, જ્યારે વીજળીનું બિલ ₹3,000 થી ₹5,000 સુધી આવી શકે છે. સરળ રીતે કહીએ તો, સાબુનો વ્યવસાય શરૂ કરવા માટે પ્રારંભિક રોકાણ ઓછામાં ઓછું ₹6 થી ₹8 લાખ જેટલું હોવું જોઈએ.
કપડા ધોવાનો સાબુ બનાવવા માટે તમારે પહેલા મિક્સર મશીનની જરૂર પડશે. આ મશીનનો ઉપરનો ભાગ ખુલ્લો છે, જેનાથી તમે મશીનની ક્ષમતા અનુસાર ડોલોમાઇટ પાવડર વાપરી શકો છો. સામાન્ય રીતે, આ મશીન એક સમયે 100 કિલોગ્રામ ડોલોમાઇટ પાવડર સમાવી શકે છે. આ મિશ્રણમાં 3 કિલો સોડા પાવડર ઉમેરો અને પછી મશીન ચાલુ કરો. વધુમાં ડોલોમાઇટ અને સોડા પાવડરને સારી રીતે મિક્સ કરો. ત્યારબાદ 20 કિલો એસિડ સોલ્યુશન અને 4 કિલો AOS (Alpha Olefin Sulfonate) પાવડર ઉમેરો. આ બધા પાવડરને ઓછામાં ઓછા અડધા કલાક સુધી સારી રીતે મિક્સ થવા દો. સાબુને એક અનોખો રંગ અથવા ફ્રેગરન્સ માટે 10 કિલો સોડિયમ સિલિકેટ ઉમેરો.
આ બધા પાવડર સારી રીતે મિક્સ થઈ ગયા પછી તેમાં 5 કિલો પોલિમર ઉમેરો. ખાસ વાત એ છે કે, જ્યારે પાવડરને મિક્સરમાં સારી રીતે મિક્સ કરવામાં આવે છે, ત્યારે તે કણક જેવું લાગે છે જેને સરળતાથી આકાર આપી શકાય છે. હવે આ મિશ્ર ઘટકોને સાબુ બનાવતી ડાઇનો ઉપયોગ કરીને આકાર આપો. આ મશીન એક કન્ટેનર સાથે જોડાયેલ હોય છે.
સાબુનો વ્યવસાય ચલાવવા માટે ચોક્કસ લાયસન્સ જરૂરી છે. આ માટે જરૂરી મ્યુનિસિપલ લાયસન્સ, લેન્ડ પ્રૂફ (જમીનના પુરાવા માટે), કોમર્શિયલ વીજળી કનેક્શન અને Environment Constant License પણ જરૂરી છે. આ બિઝનેસમાં તમારે ઓછામાં ઓછા 5 થી 6 કામદારોની જરૂર પડશે.
પેકિંગ કરવા માટે તમારે ઓછામાં ઓછા 2 થી 3 સ્ટાફ સભ્યોની જરૂર પડશે. કપડા ધોવાના સાબુનું વેચાણ કરવા માટે તમારે શક્ય તેટલા રીટેલર્સનો સંપર્ક કરવો જોઈએ. રીટેલર્સને સીધો સાબુ વેચવાથી વધુ નફો મળે છે. આ સિવાય તમે સ્થાનિક જથ્થાબંધ વેપારીઓનો પણ સંપર્ક કરી શકો છો અને સાબુ વેચી શકો છો. માર્કેટિંગ માટે બેનરો અથવા પેમ્ફલેટ છાપો. બીજું કે, આ ડિજિટલ યુગમાં તમે સોશિયલ મીડિયાનો પણ ઉપયોગ કરી શકો છો. સાબુના વ્યવસાય વિશે વાત કરીએ તો, તમે ઓછામાં ઓછો 15% થી 25% જેટલો નફો (50,000 થી 1,00,000 રૂપિયા સુધી) કમાઈ શકો છો.
Published On - 6:27 pm, Mon, 24 November 25
