Jariwala Surname History : અભિનેત્રી શેફાલી જરીવાલાની અટકનો અર્થ અને ઈતિહાસ જાણો
દેશ-દુનિયામાં અલગ-અલગ વર્ણના લોકો વસવાટ કરે છે. કોઈ પણ માણસના નામ પાછળ એક વિશેષ નામ લખવામાં આવે છે. તેને અટક તરીકે ઓળખાય છે. તો આજે જરીવાલા અટકનો અર્થ શું થાય તે જાણીશું
વાલા શબ્દ આ અટકમાં પ્રત્યય છે. વાલા શબ્દનો ઉપયોગ કોઈ ચોક્કસ નોકરી, વસ્તુ અથવા સ્થળ સાથે જોડાયેલા વ્યક્તિને દર્શાવવા માટે થાય છે.
તો જરીવાલા નો શાબ્દિક અર્થ થાય છે કે જરી કામદાર અથવા જરી સાથે સંબંધિત વ્યક્તિઓ આ અટકનો ઉપયોગ કરતા હોય છે.
ભારતમાં જરીકામ પ્રાચીન કાળથી એક સમૃદ્ધ કલા રહી છે, ખાસ કરીને ગુજરાત (જેમ કે સુરત) અને ઉત્તર ભારતના કેટલાક ભાગોમાં તે પ્રખ્યાત છે. સુરત જરી ઉદ્યોગનું મુખ્ય કેન્દ્ર હતું.
જરીવાલા અટક ઘણા સમુદાયોમાં જોવા મળે છે, જેમ કે ખત્રી, વણિક, મુસ્લિમ અને કેટલીક કારીગર જાતિઓ આ અટકનો ઉપયોગ કરે છે. આ અટક સામાજિક પ્રતિષ્ઠા અને કૌટુંબિક પરંપરાનું પ્રતીક પણ બની ગઈ છે.
કેટલાક જરીવાલા પરિવારો વિદેશમાં પણ સ્થાયી થયા છે - ખાસ કરીને આફ્રિકા, યુકે, યુએસ અને કેનેડામાં - અને તેમની પરંપરાગત અટક જાળવી રાખી છે.
જરીવાલા એ એક પરંપરાગત ભારતીય અટક છે જે ઝરી કાર્ય સાથે સંકળાયેલા વ્યવસાય અને વ્યવસાયિક સમુદાયને દર્શાવે છે.
આ અટક વ્યવસાયના આધારે ઉદ્ભવી અને સમય જતાં એક વંશીય ઓળખ બની ગઈ. તેનો ઉપયોગ કરતા પરિવારો સામાન્ય રીતે કાપડ ઉદ્યોગ, વેપાર અથવા કારીગરીમાં સામેલ હોય છે. (નોધ :પબ્લિક ડોમેનમાં ઉપલબ્ધ માહિતી અનુસાર આ સ્ટોરી ફાઈલ કરવામાં આવી છે.)
Published On - 3:25 pm, Tue, 1 July 25
