Gadkari Surname History : નીતિન ગડકરીની અટકનો અર્થ અને ઈતિહાસ જાણો
દેશ-દુનિયામાં અલગ-અલગ વર્ણના લોકો વસવાટ કરે છે. કોઈ પણ માણસના નામ પાછળ એક વિશેષ નામ લખવામાં આવે છે. તેને અટક તરીકે ઓળખાય છે. તો આજે ગડકરી અટકનો અર્થ શું થાય તે જાણીશું
ગડકરી અટક ભારતમાં રહેતા અનેક સમુદાયમાં જોવા મળે છે. ગડકરી શબ્દ મરાઠી અને સંસ્કૃત શબ્દો પરથી આવ્યો છે. ગડનો અર્થ કિલ્લો થાય છે. જ્યારે કરી શબ્દનો અર્થ રક્ષક થાય છે.
ગડકરી અટકનો મૂળ અર્થ કિલ્લાનો રક્ષક, કિલ્લાનું રક્ષણ કરનાર વ્યક્તિ કે કિલ્લાનો અધિકારી થાય છે. આ અટક મહારાષ્ટ્ર અને વિદર્ભ પ્રદેશમાં જોવા મળે છે.
મરાઠા સામ્રાજ્યના યુગ દરમિયાન અને તે પહેલાં, "ગડકરી" એવા સૈનિકો અથવા અધિકારીઓ તરીકે ઓળખાતું હતું જેઓ કિલ્લાઓની સુરક્ષા અને વહીવટ સંભાળતા હતા.
છત્રપતિ શિવાજી મહારાજના યુગ દરમિયાન ગડકરી એક મહત્વપૂર્ણ પદ હતું, કારણ કે મહારાષ્ટ્રના મોટાભાગના લશ્કરી થાણા કિલ્લાઓમાં હતા.
ગડકરી કિલ્લાઓમાં લોજિસ્ટિક્સ અને સિગ્નલ સિસ્ટમ સંભાળતા હતા. આ અટક સમય જતાં વારસાગત બની ગઈ અને તેમના વંશજોએ તેને ઓળખ તરીકે અપનાવી.
આજે ગડકરી અટક મુખ્યત્વે મહારાષ્ટ્ર, મધ્ય પ્રદેશ, ગોવા અને કર્ણાટકના ભાગોમાં જોવા મળે છે. પરંપરાગત રીતે તે મરાઠા, કુણબી અને અન્ય યોદ્ધા વર્ગો સાથે સંકળાયેલું છે.
આધુનિક સમયમાં આ અટક શિક્ષિત, વ્યવસાયિક, વહીવટી અને રાજકીય ક્ષેત્રોમાં સક્રિય પરિવારોમાં પણ જોવા મળે છે.(નોધ :પબ્લિક ડોમેનમાં ઉપલબ્ધ માહિતી અનુસાર આ સ્ટોરી ફાઈલ કરવામાં આવી છે.)
