સાંધાના દુખાવા અને સોજા માટે રામબાણ છે આ ‘કુદરતી વસ્તુ’, હાડકાંને અંદરથી બનાવશે ‘મજબૂત’
બદલાતી લાઈફસ્ટાઈલ અને 30ની ઉંમર વટાવ્યા પછી આપણા શરીરમાં એક એવું પરિવર્તન આવે છે કે, જેની આપણે કલ્પના પણ નથી કરી હોતી. હાડકાં અંદરથી પોલા થવા લાગે છે, સાંધામાં અસહ્ય દુખાવો અને સોજા ઘર કરી જાય છે. જો તમે પણ વારંવાર થતી આ અકડામણથી પરેશાન છો, તો તમારા રસોડાના મસાલાના ડબ્બામાં જ આનો 'રામબાણ' ઈલાજ છુપાયેલો છે.
આજકાલની બદલાતી જીવનશૈલીમાં ખરાબ ખાનપાન અને કસરતના અભાવને કારણે લોકોએ હાડકાં સાથે જોડાયેલી બીમારીઓનો સામનો કરવો પડે છે. ખાસ કરીને, 30 વર્ષની ઉંમર પછી હાડકાંની ઘનતા (Density) ઘટવા લાગે છે અને તે નબળા પડવાની પ્રક્રિયા ઝડપી બને છે. આનાથી નબળાઈ, ઓસ્ટિયોપોરોસિસ અને સાંધાના દુખાવાનું જોખમ વધે છે. આવી સ્થિતિમાં, તમારા નબળા હાડકાંને મજબૂત કરવા માટે તમારા આહારમાં કેલ્શિયમ અને વિટામિન ડીનો સમાવેશ કરો. આ સાથે જ કેટલાક ઘરેલું નુસખાઓ પણ અજમાવી શકો છો.
હાડકાં માટે મેથીના દાણા પણ અત્યંત ફાયદાકારક માનવામાં આવે છે. તે કેલ્શિયમ, ફોસ્ફરસ અને આયર્નથી ભરપૂર હોય છે, જે હાડકાંને મજબૂત બનાવવા, સાંધાના દુખાવાને ઘટાડવામાં અને સોજામાં રાહત આપવામાં મદદ કરે છે. નેશનલ ઇન્સ્ટિટ્યૂટ ઓફ હેલ્થ અનુસાર, મેથી હાડકાંના સ્વાસ્થ્ય માટે એક અસરકારક ઉપાય છે. તે હાડકાંના પુનઃનિર્માણમાં સુધારો કરીને ફ્રેક્ચર મટાડવાની પ્રક્રિયાને ઝડપી બનાવે છે.
મેથીમાં ભરપૂર માત્રામાં કેલ્શિયમ, ફોસ્ફરસ અને મેગ્નેશિયમ જેવા ખનિજો મળી આવે છે, જે ઓસ્ટિયોપોરોસિસ (નબળા હાડકાં) ની સમસ્યાને ઘટાડવામાં મદદ કરે છે. આના એન્ટી-ઇન્ફ્લેમેટરી ગુણધર્મો સાંધાને સ્વસ્થ રાખવામાં અને ફ્રેક્ચરમાંથી રિકવરી મેળવવામાં પણ મદદરૂપ થઈ શકે છે.
મેથીના દાણા તેના શક્તિશાળી એન્ટી-ઇન્ફ્લેમેટરી અને એન્ટીઓક્સીડેન્ટ ગુણોને કારણે ગઠિયા (Arthritis), સાંધાના દુખાવા અને સોજાને ઘટાડવામાં ખૂબ મદદરૂપ છે. આ દાણા સાંધામાં થતી બળતરા અને જકડાઈ જવાની સમસ્યાને ઓછી કરે છે તેમજ સાંધાના સ્વાસ્થ્યમાં સુધારો કરે છે. આમાં રહેલા પોષક તત્વો હાડકાંની ઘનતા વધારવામાં મદદરૂપ થાય છે, જેનાથી ફ્રેક્ચરનું જોખમ ઘટે છે.
રાત્રે એક ચમચી મેથીના દાણાને એક ગ્લાસ પાણીમાં પલાળી દો અને સવારે ખાલી પેટે પાણીની સાથે અથવા પાણી ગાળીને દાણાનું સેવન કરો. મેથીના દાણાને શેકીને અને પીસીને તેનો પાવડર બનાવી લો, તેને નવશેકા (હૂંફાળા) પાણી સાથે લઈ શકાય છે.
Published On - 7:16 pm, Wed, 18 March 26
