Breaking: Jio ની મોટી જાહેરાત : માત્ર ₹299 માં પડશે 4G ફોન, ‘JioBharat 4G’ સાથે 6 મહિનાનું રિચાર્જ તદ્દન મફત
રિલાયન્સ જિયોએ પોતાની 10મી વર્ષગાંઠ નિમિત્તે દેશના કરોડો 2G યુઝર્સ માટે ધમાકેદાર ઓફર જાહેર કરી છે. ₹1,499 ની કિંમતના ‘JioBharat 4G’ ફીચર ફોનની ખરીદી પર કંપની 6 મહિનાનું રિચાર્જ તદ્દન મફત આપી રહી છે, જેથી ગ્રાહકને 4G માં અપગ્રેડ થવાનો ચોખ્ખો ખર્ચ માત્ર ₹299 જ પડશે. આ ફોનમાં અનલિમિટેડ કૉલિંગ, ડેટા, UPI પેમેન્ટ અને લાઈવ ટીવી જેવી સુવિધાઓ મળશે.
રિલાયન્સ જિયોએ પોતાની 10મી એનિવર્સરી પર દેશના કરોડો 2G યુઝર્સ માટે એક મોટી અને આકર્ષક ઓફરની જાહેરાત કરી છે. જો સામાન્ય 2G યુઝર્સ જિયોના 4G ફોન પર અપગ્રેડ થાય છે, તો તેમને આ ફોન માત્ર ₹299 નો જ પડશે. કંપનીએ પોતે ગણતરી સમજાવી છે કે આ કેવી રીતે શક્ય બનશે.
એનિવર્સરી ઓફર અંતર્ગત ‘JioBharat 4G’ ફોન ₹1,499 માં ઉપલબ્ધ કરાવાયો છે અને તેની સાથે 6 મહિનાનું રિચાર્જ તદ્દન મફત આપવામાં આવી રહ્યું છે. છ મહિનાના રિચાર્જની કિંમત આશરે ₹1,200 થાય છે. આમ, ₹1,499 માં ફોન અને 6 મહિનાનું ફ્રી રિચાર્જ બંને મળી જવાથી 2G થી 4G માં શિફ્ટ થવાનો ચોખ્ખો વધારાનો ખર્ચ માત્ર ₹299 જ રહે છે.
સમજો કેવી રીતે થશે તમારો ફાયદો: કંપનીના જણાવ્યા મુજબ, આ ઓફર ખાસ કરીને 2G ફીચર ફોન વાપરતા ગ્રાહકોને ધ્યાનમાં રાખીને તૈયાર કરવામાં આવી છે. સામાન્ય રીતે 2G યુઝર્સ દર મહિને આશરે ₹199 નું રિચાર્જ કરાવતા હોય છે, જે છ મહિનામાં ₹1,200 જેટલું થઈ જાય છે.
જો ગ્રાહક ‘JioBharat 4G’ ખરીદે છે, તો તેને 6 મહિના સુધી કોઈ રિચાર્જ કરાવવું પડશે નહીં. ખરીદી વખતે ગ્રાહકે ₹1,499 ચૂકવવા પડશે, પરંતુ ₹1,200 નું રિચાર્જ સાથે મફત મળતું હોવાથી ફોનની પડતર કિંમત માત્ર ₹299 થઈ જાય છે.
2G થી 4G માં અપગ્રેડ થવાના ફાયદા: જિયોના જણાવ્યા અનુસાર, 2G થી 4G પર શિફ્ટ થતાં ગ્રાહકોને અલ્ટ્રા-ફાસ્ટ ઇન્ટરનેટ કનેક્ટિવિટી મળશે. આ સાથે ‘જિયોભારત’ ફોનમાં: JioTV મારફતે 500 થી વધુ લાઈવ ટીવી ચેનલ્સ, JioHotstar પર લાઈવ ક્રિકેટ,, ફિલ્મો અને મનોરંજન, JioSaavn મ્યુઝિક સ્ટ્રીમિંગ, JioPay દ્વારા સરળ અને સુરક્ષિત UPI પેમેન્ટ, દર મહિને 14GB ડેટા અને અનલિમિટેડ HD વૉઇસ કૉલિંગ
કયા મોડેલ્સ પર મળશે આ ઓફર? જિયોભારત સિરીઝના પસંદગીના A1, B1, B2 અને B3 મોડેલ્સ પર આ ઓફર લાગુ કરવામાં આવી છે. આ ફોનમાં 2.4 ઇંચનું ક્લિયર ડિસ્પ્લે અને લાંબો બેકઅપ આપતી 2000mAh ની દમદાર બેટરી આપવામાં આવી છે.
કોના માટે સૌથી વધુ ફાયદાકારક? આ ઓફર એવા તમામ લોકો માટે શ્રેષ્ઠ સાબિત થશે જેઓ આજે પણ સાદા 2G ફોનનો ઉપયોગ કરી રહ્યા છે. દેશમાં કરોડો લોકો હજુ પણ માત્ર કોલિંગ અને SMS પૂરતા મર્યાદિત છે. આજના ડિજિટલ યુગમાં ઘરમાં રહેલા વડીલો અને મહિલાઓ કે જેઓ હજુ સાદા ફોન વાપરે છે, તેમને ખૂબ જ નજીવા ખર્ચે 4G ડિજિટલ સુવિધાઓ અને યુપીઆઈ પેમેન્ટ સાથે જોડવા માટે આ એક સુવર્ણ તક છે.
