સિગારેટ અને એફએમસીજી કંપની ITCના શેરધારકો જેની રાહ જોઈ રહ્યા હતા તે તારીખ જાહેર થઈ ગઈ છે. ITC લિમિટેડ તરફથી ITC હોટેલ્સના ડિમર્જર પ્લાન પર મંજૂરી મેળવવા માટે તારીખ નક્કી કરવામાં આવી છે.
6 જૂન, 2024ના રોજ કંપનીના શેરધારકોની બેઠક બોલાવવામાં આવી છે. આ મીટિંગમાં ITC હોટેલ્સને અલગ કરવામાં આવશે અને સ્ટોક એક્સચેન્જમાં લિસ્ટીંગ કરવામાં આવશે.
ITCએ તેની રેગ્યુલેટરી ફાઇલિંગમાં સ્ટોક એક્સચેન્જોને આ માહિતી આપી છે. ગયા વર્ષે એટલે કે 14 ઓગસ્ટ, 2023ના રોજ કંપની બોર્ડની બેઠકમાં ITC હોટેલ્સ ડિમર્જરની યોજનાને મંજૂરી આપવામાં આવી હતી.
આ ઉપરાંત ITCના દરેક શેરધારકને પેરેન્ટ કંપનીમાં 10 શેરના બદલામાં ITC હોટલ બિઝનેસ સાથે સંકળાયેલી કંપનીનો એક શેર આપવામાં આવશે. એવો નિર્ણય કરવામાં આવ્યો હતો.
હોટેલ બિઝનેસના ડિમર્જર માટે આપવામાં આવેલી મંજૂરી મુજબ હોટેલ બિઝનેસ કંપનીમાં 40 ટકા હિસ્સો મૂળ કંપની પાસે રહેશે. બાકીનો 60 ટકા હિસ્સો ITC શેરધારકો પાસે રહેશે. કંપનીના શેરની ફેસ વેલ્યુ એક રૂપિયો હશે.
ITCના શેરના ભાવની વાત કરીએ તો, 15 મે, 2024ના રોજ માર્કે બંધ થયું ત્યારે 0.44 ટકાના ઘટાડા સાથે રૂપિયા 428 પર બંધ થયો હતો.