Unique Railway Station : ભારતનું અનોખું રેલવે સ્ટેશન, જેનું કોઈ નામ જ નથી, કારણ ચોંકાવનારું
ભારતમાં એક એવું અનોખું રેલ્વે સ્ટેશન છે જેનું કોઈ નામ નથી. ભારતના ગામમાં આવેલું આ સ્ટેશન વર્ષોથી નામવિહીન છે.
સ્ટેશન પર “રૈનાગઢ” નામ લખાતા જ નજીકના રૈના ગામના લોકોએ વિરોધ નોંધાવ્યો. ગ્રામજનોએ દાવો કર્યો કે જે જમીન પર સ્ટેશન અને પ્લેટફોર્મ બનાવવામાં આવ્યા છે, તે તેમની માલિકીની છે. તેમના મતે, જો જમીન રૈના ગામની છે, તો સ્ટેશનનું નામ રૈનાગઢ કેમ હોવું જોઈએ? આ મુદ્દે બંને ગામો વચ્ચે વિવાદ ઊભો થયો અને પરિસ્થિતિ ધીમે ધીમે તણાવપૂર્ણ બનતી ગઈ. અંતે મામલો રેલવે બોર્ડ સુધી પહોંચ્યો.
રેલવેવહીવટીતંત્રે બંને પક્ષોને સમજાવવાનો પૂરતો પ્રયાસ કર્યો, પરંતુ કોઈ પણ ગામ પોતાનો દાવો છોડવા તૈયાર નહોતું. વિવાદ ઉકેલવાને બદલે વધુ ગંભીર બનતો ગયો અને આખરે કોર્ટ સુધી પહોંચ્યો. રોજિંદા ઝઘડા, વિરોધ અને કામગીરીમાં આવતા વિક્ષેપોથી કંટાળીને, રેલવેએ એક અનોખો અને અચંબિત કરનાર નિર્ણય લીધો.
રેલવે અધિકારીઓએ સ્ટેશનના પીળા બોર્ડ પરથી “રૈનાગઢ” નામ સંપૂર્ણપણે હટાવી દીધું. ત્યારથી આ સ્ટેશન કોઈ નામ વિના કાર્યરત છે. આજે પણ અહીં ટ્રેનો રોકાય છે, મુસાફરો આવન-જાવન કરે છે, પરંતુ સ્ટેશનના બોર્ડ પર ખાલી પીળું પાટિયું જ જોવા મળે છે. આ રીતે, બે ગામોના વિવાદને કારણે ભારતને એક એવું રેલવે સ્ટેશન મળ્યું છે, જેની ઓળખ માત્ર તેની નામવિહિન હાજરીથી થાય છે.
