Indian Toilet vs Western Toilet : ઈન્ડિયન કે વેસ્ટર્ન? તમારા સ્વાસ્થ્ય માટે કયું શૌચાલય વધુ યોગ્ય છે, જાણો
સ્વાસ્થ્ય માટે કયું શૌચાલય વધુ યોગ્ય છે, તે એક મોટો પ્રશ્ન છે. કેટલાક નિષ્ણાતો ઇન્ડિયન ટોઇલેટમાં બેસવાની મુદ્રાને પાચન માટે શ્રેષ્ઠ માને છે, જ્યારે વેસ્ટર્ન ટોઇલેટ તેના આરામ અને સગવડતા માટે લોકપ્રિય છે, ખાસ કરીને વૃદ્ધો અને બીમાર લોકો માટે. ચાલો જાણીએ કે બંનેના શું ફાયદા અને ગેરફાયદા છે, જેથી તમે તમારા માટે યોગ્ય વિકલ્પ પસંદ કરી શકો.
ઇન્ડિયન ટૉઇલેટમાં સામાન્ય રીતે સીટનો ત્વચા સાથે સીધો સંપર્ક થતો નથી, જેનાથી ચેપનું જોખમ પણ ઘટાડે છે. જો કે તેમને સાફ કરવા માટે વધુ પાણી અને મહેનતની જરૂર પડી શકે છે. બીજી બાજુ વેસ્ટર્ન ટૉઇલેટ આરામદાયક તો હોય છે, પરંતુ સ્વચ્છતા જાળવી રાખવા માટે સીટની નિયમિત સફાઈ જરૂરી હોય છે. આવું એટલા માટે કે વેસ્ટર્ન ટૉઇલેટ ગુદા શૌચાલયની સપાટી સાથે વધુ સંપર્ક ધરાવે છે, જે બેક્ટેરિયા ફેલાવવાનું જોખમ વધારે છે.
સ્વાસ્થ્ય જોખમો - ઈન્ડિયન ટોઈલેટમાં લાંબા સમય સુધી બેસવાથી ઘૂંટણ અને પગની ઘૂંટીઓ પર દબાણ આવી શકે છે. બીજી બાજુ, વેસ્ટર્ન ટૉઇલેટમાં લાંબા સમય સુધી બેસવાથી હરસ અથવા પેલ્વિક પ્રેશર થવાની શક્યતા વધી શકે છે.
ઈન્ડિયન ટોઈલેટ ઓછી જગ્યા લે છે અને તે બનાવા માટે ઓછા રુપિયાની જરુર પડે છે, તેથી તે ગામડાઓમાં વધુ પસંદ કરવામાં આવે છે. જ્યારે વેસ્ટર્ન ટૉઇલેટને વધુ જગ્યાની જરૂર પડે છે અને તે ખર્ચાળ પણ છે. સુવિધા અને આધુનિક જીવનશૈલીની જરૂરિયાતોને કારણે શહેરોમાં આ વધુ પસંદ કરવામાં આવે છે.
ઈન્ડિયન ટોઈલેટ અને વેસ્ટર્ન ટૉઇલેટ બંનેના પોતાના ફાયદા અને ગેરફાયદા છે. સ્વાસ્થ્ય માટે કયું સારું છે તે નક્કી કરવું તમારી શારીરિક સ્થિતિ, ઉંમર અને વ્યક્તિગત પસંદગીઓ પર આધાર રાખે છે. ઈન્ડિયન ટોઈલેટ પાચન અને આંતરડાની ગતિને પ્રોત્સાહન આપે છે, જ્યારે વેસ્ટર્ન ટૉઇલેટ વધુ આરામ અને સરળતા પ્રદાન કરે છે. તેથી જો તમે યુવાન અને સ્વસ્થ છો, તો ઈન્ડિયન ટોઈલેટ વધુ સારા સ્વાસ્થ્ય લાભો પ્રદાન કરી શકે છે. પરંતુ જો આરામ અને સરળતા તમારી પ્રાથમિકતા હોય, તો વેસ્ટર્ન ટૉઇલેટ વધુ સારો વિકલ્પ છે.
Published On - 4:16 pm, Fri, 12 September 25
