Study in NZ with family : ન્યૂઝીલેન્ડમાં પોતાની સાથે પરિવારોને લાવી શકે છે ભારતીય વિદ્યાર્થીઓ, કયા વિઝાની જરૂર પડે, જાણો
Indian Students in New Zealand: ભારતીય વિદ્યાર્થીઓ હવે ન્યૂઝીલેન્ડમાં અભ્યાસ સાથે તેમના પરિવારને પણ સાથે લઈ જઈ શકે છે. ન્યૂઝીલેન્ડ છેલ્લા કેટલાક વર્ષોમાં ઉચ્ચ શિક્ષણ માટે ભારતીયોમાં ખૂબ લોકપ્રિય બન્યું છે અને અહીં અભ્યાસ કરવા માટેનો રસ સતત વધતો જઈ રહ્યો છે.
Indian Students in New Zealand: ભારતીય વિદ્યાર્થીઓ હવે ન્યૂઝીલેન્ડમાં અભ્યાસ સાથે તેમના પરિવારને પણ સાથે લઈ જઈ શકે છે. ન્યૂઝીલેન્ડ છેલ્લા કેટલાક વર્ષોમાં ઉચ્ચ શિક્ષણ માટે ભારતીયોમાં ખૂબ લોકપ્રિય બન્યું છે અને અહીં અભ્યાસ કરવા માટેનો રસ સતત વધતો જઈ રહ્યો છે.
હાલમાં ન્યૂઝીલેન્ડમાં 10,000થી વધુ ભારતીય વિદ્યાર્થીઓ અભ્યાસ કરી રહ્યા છે અને અંદાજ છે કે 2030 સુધીમાં આ સંખ્યા 20,000ને પાર કરશે. યુએસ, યુકે, કેનેડા અને ઓસ્ટ્રેલિયા જેવા દેશોની સરખામણીએ અહીં ઉચ્ચ શિક્ષણ ખર્ચમાં વધુ સસ્તું છે, જે વિદ્યાર્થીઓ માટે મોટો ફાયદો સાબિત થાય છે. આ ઉપરાંત, ન્યૂઝીલેન્ડની ખાસિયત એ છે કે અહીં વિદેશી વિદ્યાર્થીઓને તેમના પરિવારને સાથે લાવવાની પણ મંજૂરી આપવામાં આવે છે.
ઘણા ભારતીય વિદ્યાર્થીઓ, ખાસ કરીને પરિણીત લોકો, વિદેશમાં અભ્યાસ કરવા માંગે છે પરંતુ પરિવારની જવાબદારીઓને કારણે તેઓ નિર્ણય લેવામાં અચકાશે છે. તેઓને ચિંતા રહેતી હોય છે કે તેઓ દૂર જશે તો પરિવારની સંભાળ કોણ રાખશે. પરંતુ ન્યૂઝીલેન્ડમાં આવી ચિંતા ઓછી થઈ શકે છે, કારણ કે અહીં અભ્યાસ સાથે પરિવારને સાથે રાખવાની સુવિધા ઉપલબ્ધ છે.
ઇમિગ્રેશન ન્યૂઝીલેન્ડની માર્ગદર્શિકા મુજબ, સ્ટુડન્ટ વિઝા ધરાવતા વિદ્યાર્થીઓ તેમના અભ્યાસક્રમના પ્રકાર અને લેવલના આધારે પોતાના જીવનસાથી અને બાળકો માટે અલગ-અલગ પ્રકારના વિઝા માટે સ્પોન્સર કરી શકે છે. તેમાં મુલાકાતી વિઝા, વર્ક વિઝા અને સ્ટુડન્ટ વિઝા સામેલ છે. જોકે, દરેક માટે પાત્રતા નિયમો અભ્યાસક્રમ પર આધારિત હોય છે.
પરિવારને સાથે લાવવા માટે સામાન્ય રીતે “પાર્ટનર ઓફ અ સ્ટુડન્ટ વિઝિટર વિઝા” અને “ચાઇલ્ડ ઓફ અ સ્ટુડન્ટ વિઝિટર વિઝા” ઉપયોગમાં લેવાય છે. આ વિઝા હેઠળ જીવનસાથી અને બાળકો ન્યૂઝીલેન્ડમાં રહી શકે છે. કેટલીક પરિસ્થિતિઓમાં, જીવનસાથીને વર્ક વિઝા અને બાળકોને સ્ટુડન્ટ વિઝા પણ મળી શકે છે. સામાન્ય રીતે, પરિવારના સભ્યોને મળતો વિઝાનો સમયગાળો વિદ્યાર્થીના વિઝા જેટલો જ હોય છે.
જીવનસાથી માટે વર્ક વિઝા મેળવવા માટે વિદ્યાર્થીનો અભ્યાસક્રમ મહત્વપૂર્ણ ભૂમિકા ભજવે છે. જો વિદ્યાર્થી માસ્ટર અથવા પીએચડી જેવા ઉચ્ચ સ્તરના અભ્યાસમાં હોય, તો તે પોતાના જીવનસાથીને વર્ક વિઝા માટે સ્પોન્સર કરી શકે છે. ઉપરાંત, જો વિદ્યાર્થી ગ્રીન લિસ્ટ હેઠળ આવતી નોકરી સાથે જોડાયેલ અભ્યાસ કરે છે, તો પણ જીવનસાથી વર્ક વિઝા માટે પાત્ર બની શકે છે. ખાસ કરીને પીએચડી કરતા વિદ્યાર્થીઓને વધુ સુવિધા મળે છે. તેઓ તેમના જીવનસાથી માટે વર્ક વિઝા અને બાળકો માટે સ્ટુડન્ટ વિઝા બંને માટે સહેલાઈથી સ્પોન્સર કરી શકે છે. આ રીતે, ન્યૂઝીલેન્ડ ભારતીય વિદ્યાર્થીઓ માટે અભ્યાસ અને પરિવાર વચ્ચે સંતુલન જાળવવાનો ઉત્તમ વિકલ્પ બની રહ્યું છે.
