Expert Buying Advice : આ સરકારી કંપનીનો શેર Buy કરવાની એક્સપર્ટે આપી સલાહ, એનાલિસ્ટે કહ્યું- 30% નફો મળશે
ગ્લોબલ બ્રોકરેજ ફર્મ જેફરીઝે સરકારી કંપની IOCLના શેર પર નવી ટાર્ગેટ કિંમત નક્કી કરી છે. અગાઉ એન્ટિકે પણ સ્ટોક પર તેજીનો વ્યૂ રાખ્યો હતો. જે બાદ હવે બીજા એક્સપર્ટે પણ આ શેરને ખરીદવાની અને હોલ્ડ કરવાની સલાહ આપી છે.
આજે આ શેર 142.80 પર ટ્રેક કરી રહ્યો છે ત્યારે એક્સપર્ટ મુજબ થોડા જ સમયમાં તેના ભાવમાં વધારો જોવા મળી શકે છે. ટાર્ગેટ મુજબ તેનો ભાવ 165 થી 185 નજીક પહોંચી શકે છે.
બ્રોકરેજ ફર્મે આ નોંધમાં જણાવ્યું હતું કે ગ્રોસ રિફાઇનિંગ માર્જિન (GRM)માં સુધારા સાથે અન્ય કંપનીઓની સરખામણીમાં અર્નિંગ આઉટલૂક વધુ સારી રહેવાની અપેક્ષા છે. તાજેતરના કરેક્શન પછી રિસ્ક-રિવોર્ડ રેશિયો પણ વાજબી બન્યો છે.
તમને જણાવી દઈએ કે તાજેતરમાં અન્ય બ્રોકરેજ ફર્મ એન્ટિકે પણ શેર પર ₹246 પ્રતિ શેરનો ટાર્ગેટ આપ્યો હતો. આ બ્રોકરેજ ફર્મે શેરના ભાવમાં 70% વૃદ્ધિની અપેક્ષા રાખી હતી.
ઈન્ડિયન ઓઈલ કોર્પોરેશનને તેમના કવરેજમાં 34 વિશ્લેષકો દ્વારા સામેલ કરવામાં આવ્યા છે. તેમાંથી 16 વિશ્લેષકોએ સ્ટોક પર બાય રેટિંગ આપ્યું છે, જ્યારે 7 લોકોએ હોલ્ડ અભિપ્રાય આપ્યો છે. બાકીના 11 વિશ્લેષકો સ્ટોક પર સેલ રેટિંગ ધરાવે છે. ગુરુવારે ઈન્ડિયન ઓઈલ કોર્પોરેશનનો સ્ટોક 1.1% ઘટીને ₹141.6 પ્રતિ શેર પર બંધ થયો હતો. શુક્રવારે શરૂઆતી કામકાજ દરમિયાન તે લગભગ દોઢ ટકાના વધારા સાથે કામ કરતો જોવા મળ્યો હતો. વર્ષ 2024માં અત્યાર સુધીમાં આ સ્ટોક માત્ર 8% વધ્યો છે.
નોંધ: શેરબજારમાં જાણકારી વગર રોકાણ ન કરો. કોઈપણ શેરમાં રોકાણ કરતા પહેલા તમારે તમારા નાણાકીય સલાહકાર સાથે એકવાર વાત કરવી જોઈએ. જો તમે આવું ન કરો તો તમારે આર્થિક નુકસાન સહન કરવું પડી શકે છે.
Published On - 1:05 pm, Fri, 13 December 24
