Crypto currency: ક્રિપ્ટો યુઝર્સની મુશ્કેલી વધી! ટ્રેડિંગમાં ઢીલ રાખી તો કામથી ગયા, નુકસાનથી બચવું હોય તો આ નિયમ જાણી લો
ક્રિપ્ટોની દુનિયામાં ભારતના રોકાણકારો માટે એક મોટો બદલાવ આવ્યો છે. આંતરરાષ્ટ્રીય એક્સચેન્જ બાયબિટે કેટલાક નિર્ણયો લીધા છે, જેની સીધી અસર તમારી કમાણી અને રોકાણ પર પડી શકે છે.
આ ઉપરાંત ઓટો લિક્વિડેશન, યુનિફાઇડ ટ્રેડિંગ એકાઉન્ટ કન્વર્ઝન અને ઓન-ચેઇન અર્ન જેવી સેવાઓ પર પણ GST લાગુ થશે. જો કે, APR બૂસ્ટ રિવોર્ડ્સ હાલમાં આનાથી પ્રભાવિત થશે નહીં.
બાયબિટે એ પણ માહિતી આપી છે કે, ક્રિપ્ટો લોન, બાયબિટ કાર્ડ અને સ્પોટ ગ્રીડ, DCA તેમજ ફ્યુચર્સ કોમ્બો જેવા ઘણા ટ્રેડિંગ બોટ્સ 9 જુલાઈથી ભારતમાં બંધ થઈ જશે.
કાર્ડધારકોને 17 જુલાઈથી નવા ટ્રાન્ઝેક્શનની મંજૂરી આપવામાં આવશે નહીં અને બાકીની લોન આપમેળે ચૂકવવામાં આવશે. ભારતમાં પહેલાથી જ ક્રિપ્ટોના નફા પર 30% કર અને 1% TDS છે. હવે 18% GST ઉમેરવાથી રોકાણકારો પર વધુ નાણાકીય દબાણ આવશે.
ક્રિપ્ટો એક્સપર્ટસ માને છે કે, આવી નીતિઓ ભારતમાં ડિજિટલ એસેટ્સના લોંગ ટર્મ ગ્રોથ પર બ્રેક લગાવી શકે છે. બાયબિટનું આ પગલું તેની કોમ્પ્લાયન્સ રણનીતિનો એક ભાગ છે. આના માટે ભારતીય ક્રિપ્ટો યુઝર્સે હવે તેમની પોતાની રણનીતિ ફરીથી નક્કી કરવી પડશે.
