IND vs PAK: પાકિસ્તાની ખેલાડીઓ સાથે હાથ કેમ ના મિલાવ્યા? જીત બાદ સૂર્યકુમારનો મોટો ખુલાસો
ટીમ ઈન્ડિયાના કેપ્ટન સૂર્યકુમાર યાદવે મેચ સમાપ્ત થયા પછી પાકિસ્તાની ખેલાડીઓ સાથે હાથ મિલાવ્યા ન હતા. આ નિર્ણય અંગે તેમણે સ્પષ્ટપણે કહ્યું હતું કે આ પગલું સમજી વિચારીને અને દેશના હિતમાં લેવામાં આવ્યું હતું.
બીજી બાજુ, પાકિસ્તાનના કોચ માઈક હેસને નિરાશા વ્યક્ત કરી. તેમણે કહ્યું કે અમે હાથ મિલાવવા માટે તૈયાર હતા, પરંતુ ભારતીય ખેલાડીઓ મેદાન છોડીને ચાલ્યા ગયા. તે અમારા માટે નિરાશાજનક હતું. ભારતીય ટીમે તેમની બીજી મેચમાં પાકિસ્તાનને દરેક વિભાગમાં હરાવ્યું. પાકિસ્તાનના કોચ માઈક હેસને કહ્યું કે મેચ પછીના પ્રેઝન્ટેશનમાં સલમાન અલી આગાની ગેરહાજરી ભારતના વલણનું પરિણામ હતું. તેમણે કહ્યું કે અમે હાથ મિલાવવા માટે તૈયાર હતા, પરંતુ ભારતીય ટીમે તેમ કર્યું નહીં. તે નિરાશાજનક હતું. અમે ખરાબ રમ્યા, પરંતુ અમે હાથ મિલાવવા માટે તૈયાર હતા.
સૂર્યકુમારે કહ્યું કે સોશિયલ મીડિયાના ઘોંઘાટથી અંતર રાખવાથી ટીમને સંયમ જાળવવામાં મદદ મળી. સૂર્યકુમારે કહ્યું કે અમે અહીં આવ્યાના પહેલા દિવસે જ નક્કી કરી લીધું હતું કે અમે બહારના અવાજથી 75-80% અંતર રાખીશું. આ જ કારણ છે કે અમે સ્પષ્ટ મન સાથે મેદાન પર આવ્યા હતા અને અમારી યોજનાઓને સરળતાથી અમલમાં મૂકી શક્યા હતા. ચાહકોના સમર્થનથી પણ તેમને ઉર્જા મળી. આ સમગ્ર વિવાદ વચ્ચે, ટીમ ઈન્ડિયાની જીત અને કેપ્ટન સૂર્યકુમારના નિવેદનથી ફરી એકવાર સ્પષ્ટ થઈ ગયું કે ટીમે મેદાન પર અને મેદાનની બહાર પોતાનો વલણ સ્પષ્ટ કરી દીધો છે.
Published On - 8:21 am, Mon, 15 September 25
