Pravasi Gujarati Parv 2024 : જય શ્રી રામ…દુનિયામાં ગુજરાતીઓનું યોગદાન અનન્ય છે : મિઝોરી સ્ટેટના ટ્રેઝરર વિવેક મલેક
ગુજરાતની આર્થિક રાજધાની અમદવાદા ફરી એકવાર ઐતિહાસિક ઉજવણીનું સાક્ષી બન્યું. વર્ષ 2022માં આયોજિત પ્રથમ પ્રથમ કાર્યક્રમની ભવ્ય સફળતા બાદ ફરી એકવાર પ્રવાસી ગુજરાતી પર્વ નિમિત્તે વિશ્વભરમાં ફેલાયેલા દિગ્ગજ ગુજરાતીઓ એક જ છત નીચે એક મંચ પર જોવા મળ્યા. ચાલો જાણીએ યુએસએ મિઝોરી સ્ટેટના ટ્રેઝરર વિવેક મલેકે આ પ્રશંગે શું કહ્યું ?
યુએસએ મિઝોરી સ્ટેટના ટ્રેઝરર વિવેક મલેકે પ્રવાસી ગુજરાતી પર્વમાં પોતાની સ્પીચની શરુઆત જયશ્રી રામથી કરી હતી. તેમણે જણાવ્યું કે દુનિયામાં ગુજરાતીનું યોગદાન અનન્ય રહ્યું છે. તેમણે આ પ્રસંગે ગાંધીજી, દાદાભાજી નવરોજી, મોરારજી દેસાઈ, મુકેશ અંબાણી, ગૌતમ અદાણી જેવા ગુજરાતીઓના યોગદાનને યાદ કર્યું હતુ.
તેમણે ગુજરાતીઓના ધંધા પ્રત્યેના ઉત્સાહને બિરદાવ્યો હતો. તેમણે જણાવ્યું કે મારુ ગુજરાત સાથે ખાસ કનેક્શન છે. મારા ભાઈનો જન્મ અહીં અમદાવાદના વિજયનગરમાં થયો હતો.
તેમણે જણાવ્યું, તમામ પ્રવાસી ગુજરાતીઓને સ્ટોરી યુનિક અને ડીફરન્ટ છે. ગુજરાતી કોઈપણ ક્ષેત્રમાં પોતાનું બેસ્ટ આપવાનો પ્રયત્ન કરે છે.
તેમણે જણાવ્યું કે મિઝોરીના 203 વર્ષના ઈતિહાસમાં હું ભારતીય મૂળનો અને અશ્વેત, સ્ટેટ વાઈટ ઓફિસ ધરાવનાર પ્રથમ વ્યક્તિ છું.
પ્રવાસી ગુજરાતી પર્વ એ દેશ અને વિશ્વના મહાન ગુજરાતીઓની મોટી ઉજવણી માટેનું એક વિશાળ પ્લેટફોર્મ છે. પ્રવાસી ગુજરાતી પર્વમાં દેશ અને દુનિયાની અનેક નામાંકિત હસ્તીઓ ભાગ લીધો. આજે વિશ્વભરમાં ફેલાયેલા દિગ્ગજ ગુજરાતીઓ એક જ છત નીચે એક મંચ પર જોવા મળશે. આ કાર્યક્રમથી ગુજરાતના ગૌરવનો પડઘો દેશ અને સમગ્ર વિશ્વમાં સંભળાશે.
