PM સૂર્ય ઘર યોજનાની સબસિડી કેવી રીતે મેળવવી અને કેટલો લાગે છે સમય ? જાણો શું છે નિયમ
પીએમ નરેન્દ્ર મોદીએ ફેબ્રુઆરી 2024માં સૂર્ય ઘર મફત વીજળી યોજના શરૂ કરી હતી. આ યોજના હેઠળ સરકારે પાત્ર લોકોને 300 યુનિટ મફત વીજળી આપવાનો દાવો કર્યો હતો. તમે પણ આ યોજનાનો લાભ લઈ શકો છો. આજે અમે તમને આ લેખમાં જણાવીશું કે યોજના હેઠળ ક્યારે અને કેવી રીતે સબસિડી મળે છે.
પીએમ નરેન્દ્ર મોદીએ ફેબ્રુઆરી 2024માં સૂર્ય ઘર મફત વીજળી યોજના શરૂ કરી હતી. આ યોજના હેઠળ સરકારે પાત્ર લોકોને 300 યુનિટ મફત વીજળી આપવાનો દાવો કર્યો હતો.
આ માટે સરકાર દ્વારા ઘરની છત પર સોલાર પેનલ લગાવવા માટે સબસિડી આપવામાં આવી રહી છે. આના પર મળતી સબસિડીની રકમ 78000 રૂપિયા સુધી રાખવામાં આવી છે.
આ યોજના હેઠળ 2 kW સુધીની વીજ ઉત્પાદન ક્ષમતા માટે સોલાર યુનિટ ખર્ચના 60 ટકા અને 2 થી 3 kW સુધીની વીજ ઉત્પાદન ક્ષમતા માટે પેનલ ખર્ચના 40 ટકા સરકાર દ્વારા સબસિડી સ્વરૂપે આપવામાં આવે છે. સબસિડીની મર્યાદા 3 કિલોવોટ સુધી મર્યાદિત કરવામાં આવી છે.
જો આપણે આજની સોલાર પેનલની કિંમત પર નજર કરીએ તો, આ સબસિડી 1 kW સિસ્ટમ માટે રૂ. 30,000, 2 kW સિસ્ટમ માટે રૂ. 60,000 અને 3 kW અથવા તેથી વધુની સોલર પેનલ માટે રૂ. 78,000 થાય છે.
આ યોજના હેઠળ તમારે પહેલા સત્તાવાર વેબસાઈટ પર ઓનલાઈન અરજી કરવી પડશે. તે પછી જો તમે પાત્ર હશો તો સરકાર તમારી પાસેથી તમારા ખાતાની વિગતો માંગશે, જેમાં તમારે ખાતાની માહિતી સાથે કેન્સલ ચેક આપવાનો રહેશે. આ પછી સબસિડી મેળવવાની પ્રક્રિયામાં 30 દિવસનો સમય લાગી શકે છે.
સબસિડી સંબંધિત દાવાઓ એક મહિનામાં પતાવટ કરવાની હોય છે. જો કે હવે સરકાર આ પ્રક્રિયા ઝડપી બનાવવા જઈ રહી છે.