ગાંધીધામમાં હાઇવે હીરોઝ કેમ્પેનનો થયો ધમાકેદાર પ્રારંભ, પહેલા દિવસે મોટી સંખ્યામાં ટ્રક ડ્રાઇવરોએ ભાગ લીધો
ગાંધીધામમાં હાઇવે હીરોઝ કેમ્પેનનો થયો ધમાકેદાર પ્રારંભ થયો. પહેલા જ દિવસે અઢળક ટ્રક ડ્રાઇવરોએ ભાગ લીધો અને કેમ્પેનનની શોભા વધારી.
શ્રીરામ ફાઇનાન્સ અને ટીવી9 નેટવર્ક દ્વારા સંયુક્ત રીતે શરૂ કરાયેલ ખાસ પહેલ હાઇવે હીરોઝ કેમ્પેનનો આજે ગાંધીધામના મીઠી રોહર સ્થિત અજવા પાર્કિંગ ખાતે ભવ્ય પ્રારંભ થયો. આ ઝુંબેશનો ઉદ્દેશ્ય દેશભરના ટ્રક ડ્રાઈવર ભાઈઓનું સન્માન કરવાનો, તેમના સ્વાસ્થ્ય અને જીવનશૈલીમાં સુધારો કરવાનો અને તેમને સમાજમાં એક મજબૂત ઓળખ આપવાનો છે.
આ ખાસ પ્રસંગે, ડેપ્યુટી એસપી, દીપક આર. ભાટિયા મુખ્ય મહેમાન તરીકે હાજર રહ્યા હતા. તેમણે રિબિન કાપીને કેમ્પેનનું ઉદ્ઘાટન કર્યું અને TV9 નેટવર્ક તેમજ શ્રીરામ ફાઇનાન્સના પ્રયાસોની પ્રશંસા કરી. તેમણે કહ્યું, "આ અદ્ભુત કેમ્પેન માટે હું TV9 નેટવર્ક અને શ્રીરામ ફાઇનાન્સને અભિનંદન આપું છું. આ પહેલ ટ્રક ડ્રાઈવર ભાઈઓના લાભ માટે છે અને અમે કચ્છ પોલીસ વતી આ કેમ્પેનને સંપૂર્ણ સમર્થન આપીએ છીએ."
આ પ્રસંગે શ્રીરામ ફાઇનાન્સના જોઈન્ટ એમડી શ્રી નિલેશ ઓડેદરાએ પણ હાજરી આપી હતી. તેમણે ટ્રક ડ્રાઇવરોને ભારતીય અર્થતંત્રની કરોડરજ્જુ ગણાવતા કહ્યું, "આજે, ટ્રક ડ્રાઇવરો દેશની પ્રગતિમાં મોટું યોગદાન આપી રહ્યા છે. આવી સ્થિતિમાં, તેમનું સન્માન કરવાનું તેમજ તેમને જાગૃત કરવાનું અને સમાજમાં તેમનો દરજ્જો વધારવાની આપણી જવાબદારી છે."
યોગ સત્ર: યોગા ઇન્સ્ટિટ્યૂટના ટ્રેનર્સે ટ્રક ડ્રાઇવર ભાઈઓને કેટલીક સરળ યોગ કસરતો શીખવી જે લાંબી મુસાફરી પછી શરીરને રાહત આપવા અને માનસિક શાંતિ માટે પણ કરી શકાય છે. આ યોગ કસરતોને 'ટ્રક યોગા' નામ આપવામાં આવ્યું છે. જેમાં વાઇપર આસન, સ્ટીયરિંગ આસન, બ્રેક આસન, ક્રેન આસન જેવી યોગ પ્રવૃત્તિઓ કરવામાં આવી રહી છે.
ફાઇનાન્શિયલ લિટરસી સેશન: NSE એટલે કે નેશનલ સ્ટોક એક્સચેન્જ વતી પ્રિન્સી કરદાનીએ નાણાંનું યોગ્ય આયોજન, સાયબર છેતરપિંડીથી રક્ષણ અને ઓનલાઈન વ્યવહારોની સાવચેતી વિશે માહિતી આપી. NSE દ્વારા, ટ્રક ડ્રાઇવરોને મ્યુચ્યુઅલ ફંડમાં નાણાં રોકવા અને સુરક્ષિત રોકાણ કરવા માટેની ટિપ્સ પણ આપવામાં આવી રહી છે.
ટીબી જાગૃતિ: પિરામલ સ્વાસ્થ્યના ડો. એસ કુમારે ટીબીના લક્ષણો, નિવારણ અને સારવાર વિશે જણાવ્યું. આ સત્ર દ્વારા ટ્રક ડ્રાઇવરોને સમજાવવામાં આવ્યું કે ટીબી જેવા રોગોની સમયસાર સારવાર કરાવવી કેટલી મહત્વપૂર્ણ છે.
આ ઉપરાંત, હાઇવે હીરોઝ કેમ્પેન દ્વારા ફ્રી હેલ્થ ચેકઅપની વ્યવસ્થા પણ કરવામાં આવી છે. બ્લડ પ્રેશર, સુગર અને આંખની તપાસ જેવા ટેસ્ટ કરવામાં આવ્યા. આ જ કારણ છે કે ડ્રાઇવર ભાઈઓએ ખૂબ જ ઉત્સાહથી આ સુવિધાનો લાભ લીધો.
ભારત સરકારના સ્કિલ ઇન્ડિયા પ્રોગ્રામ હેઠળ ડ્રાઇવરો સરકાર દ્વારા માન્ય તાલીમ લઈ રહ્યા છે, જેના પછી તેમને "લેવલ 4" પ્રમાણપત્ર આપવામાં આવે છે જે 12મું પાસ સમકક્ષ છે. આ પ્રમાણપત્ર 90 થી વધુ દેશોમાં માન્ય છે અને ટ્રક ડ્રાઇવરોને તેમના ડ્રાઇવિંગ લાઇસન્સ રિન્યુ કરવામાં પણ મદદ કરે છે.
ગાંધીધામમાં હાઇવે હીરોઝ કેમ્પેનનો આ પહેલો દિવસ ઉત્સાહ, આદર અને સેવાથી ભરેલો હતો. આ ઝુંબેશ ટ્રક ડ્રાઇવરો માટે એક નવી રોશની સમાન છે, જે તેમને સ્વસ્થ, જાગૃત અને સશક્ત બનાવશે.
આ કાર્યક્રમ આવતીકાલે, 26 એપ્રિલે પણ ચાલુ રહેશે. ડ્રાઇવર ભાઈઓને આ અભિયાનમાં જોડાવા અને ભાગ બનવા અપીલ કરવામાં આવે છે. કારણ કે તમે અમારા ખરા હાઇવે હીરો છો!
Published On - 8:51 pm, Fri, 25 April 25
