Health Tips : કોલેસ્ટ્રોલને કંટ્રોલ કરવા માટે રામબાણ ઈલાજ છે આ ફળ, જુઓ તસવીરો
અત્યારના સમયમાં કોલેસ્ટ્રોલની સમસ્યા મોટાભાગના લોકોમાં જોવા મળે છે. હૃદયને સ્વસ્થ રાખવા માટે કોલેસ્ટ્રોલનો મહત્તવનો ભાગ છે. દરેક વ્યક્તિના શરીરમાં ગુડ કોલેસ્ટ્રોલ અને બેડ કોલેસ્ટ્રોલ એમ 2 પ્રકારના કોલેસ્ટ્રોલ હોય છે. જેમાંથી બેડ કોલેસ્ટ્રોલ વધતા અનેક રોગોનો સામનો કરવો પડે છે.
કોલેસ્ટ્રોલ ઘટાડવા માટે કેટલા ઉપાયો ઘરે કરી શકાય છે. કોલેસ્ટ્રોલને કંટ્રોલમાં લાવવા માટે તમે નિયમિત એક્સરસાઈઝ કરી શકો છો. તેમજ કેટલાક ફળોનું સેવન પણ કરી શકો છો.
જો તમારે કોલેસ્ટ્રોલ કંટ્રોલ કરવો છે તો ડાયટમાં કેટલાક ફળોને ઉમેરી શકો છો. ખાસ કરીને ખાટા ફળોનું સેવન કરવું લાભકારક સાબિત થાય છે. જેમાં મિનરલ્સ, ફાઈબર અને વિટામીન સી સારા પ્રમાણ હોય છે.
એવોકાડો એક સુપરફૂડ માનવામાં આવે છે. આ ફળમાં મોનોઅનસેચ્યુરેટેડ ફેટ સારી માત્રામાં હોવાથી તેનું સેવન કરવાથી બેડ કોલેસ્ટ્રોલ ઘટાડે છે. જ્યારે ગુડ કોલેસ્ટ્રોલ વધારે છે. ગુડ કોલેસ્ટ્રોલ વધારવા માટે અઠવાડિયામાં 1 એવોકાડો ખાવુ હિતાવહ છે.
સફરજનનું સેવન કરવાથી શરીરમાં માટે અનેક ફાયદાકારક છે. સફરજનનું સેવન કરવાથી ખરાબ કોલેસ્ટ્રોલ લેવલ ઘટાડવામાં મદદ કરે છે. આ સિવાય તે પાંચનને પણ સુધારે છે.
કેળામાં પોટેશિયમ અને ફાયબરની માત્રા વધારે હોવાથી કેળાનું સેવન પણ હિતાવહ છે. તેમજ ઈમ્યુનિટી બૂસ્ટ કરવા અને બેડ કોલેસ્ટ્રોલ ઘટાડવામાં મદદ કરે છે.
સ્ટ્રોબેરીમાં સારી માત્રામાં ફાઈબર હોવાથી તેનું સેવન કરવું જોઈએ. LDL લેવલ ઘટાડવામાં મદદરુપ થાય છે. આ સિવાય બ્લેકબેરી, બ્લુબેરી જેવા તમામ પ્રકારના બેરી ફળ હૃદયને સ્વસ્થ રાખવામાં મદદ કરે છે.
(નોંધ: આ લેખમાં આપેલા મુદ્દાઓ પ્રાથમિક માહિતીઓને આધારે તૈયાર કરવામાં આવ્યા છે. આરોગ્યને લાગતાં કોઈ પણ પ્રયોગ કે નિર્ણય લેતા પહેલા અનુભવી તબીબ અથવા જે તે વિષયના નિષ્ણાંતની સલાહ લેવી હિતાવહ છે.)(Image Credits: freepik)