જો આ 3 લક્ષણો દેખાય તો તરત જ દારૂ છોડો, નહીં તો લીવર ફેલ થવાનું જોખમ વધી જશે
દારૂની (Alcohol) સૌથી ખરાબ અસર લીવર પર થાય છે. વધુ પડતો દારૂ પીવાથી લીવર પર 'સ્કાર' (ડાઘ અથવા નિશાન) પડવા લાગે છે, જે લીવર પરના ઘા સમાન હોય છે.
વધુ પડતો દારૂ પીવાથી લીવર પર 'સ્કાર' (ડાઘ અથવા નિશાન) પડવા લાગે છે, જે લીવર પરના ઘા સમાન હોય છે. આ સ્થિતિને કારણે લીવર સીરોસિસ અને લાંબાગાળે લીવર ફેઈલ થવાનું જોખમ વધી જાય છે. ભલે તમે ક્યારેક-ક્યારેક અથવા ઓછી માત્રામાં દારૂનું સેવન કરતા હોવ પણ તે લીવર માટે નુકસાનકારક જ છે.
એવામાં જો શરીરમાં આ ત્રણ લક્ષણો દેખાય તો સમજી લેવું કે, દારૂ લીવર પર ખરાબ અસર કરી રહ્યો છે અને તેને તરત જ છોડી દેવો એ જ તમારા સ્વાસ્થ્ય માટે સારું રહેશે.
સવારે ઉઠતી વખતે ભારેપણું અનુભવવું: જો તમે રાત્રે થોડો પણ દારૂ પીધો હોય અને સવારે ઉઠતી વખતે માથું ભારે લાગે, એનર્જી સાવ ઓછી જણાય અથવા કોઈ કામ કરવાનું મન ન થાય, તો તે ચિંતાનો વિષય છે. આ ઉપરાંત ઉલટી કે ઉબકા જેવું થવું, શરીરમાં કાયમી દુખાવો અને નબળાઈ અનુભવવી એ 'અર્લી લીવર ફેલિયર' (લીવર ખરાબ થવાની શરૂઆત) ના લક્ષણો છે. આનો અર્થ એ છે કે, તમારા લીવરે કામ કરવામાં મુશ્કેલી અનુભવવાનું શરૂ કરી દીધું છે અને તમારે તરત જ દારૂ બંધ કરી દેવો જોઈએ.
પેટની સમસ્યાઓમાં સતત વધારો થવો: બીજું લક્ષણ એ છે કે, જો તમને પેટને લગતી સમસ્યાઓ ખૂબ જ વધી રહી હોય, જેમ કે પેટમાં દુખાવો, ઉલટી, ઉબકા આવવા, પેટ ભારે લાગવું, પેટમાં ગેસ થવો અથવા વારંવાર ઓડકાર આવવા જેવા લક્ષણો દેખાઈ રહ્યા હોય, તો તેનો અર્થ એ છે કે, દારૂ તમારા પાચનતંત્રના સ્તર (Gut line) ને નુકસાન પહોંચાડી રહ્યો છે. આથી, આલ્કોહોલનું સેવન બિલકુલ બંધ કરી દેવું જોઈએ.
ઊંઘમાં ખલેલ પહોંચવી: જો રાત્રે તમારી ઊંઘ વારંવાર ઊડી જતી હોય, તમે પૂરી ગાઢ ઊંઘ (Deep sleep) ન લઈ શકતા હોવ અને સવારે ખૂબ જ આળસ તથા થાક અનુભવતા હોવ, તો તે ગંભીર બાબત છે. આ ઉપરાંત, રાત્રે જલદી ઊંઘ ન આવવી અથવા દારૂ પીધા વગર ઊંઘ જ ન આવવી એ સ્પષ્ટ સંકેત છે કે, આલ્કોહોલ પર તમારી નિર્ભરતા વધી રહી છે. આવી સ્થિતિમાં, તમારે તરત જ દારૂનું સેવન બંધ કરી દેવું જોઈએ.
Published On - 4:10 pm, Mon, 9 February 26
