કિડનીમાં પથરી છે કે નહીં ? આ 5 સંકેતથી તરત ખબર પડી જશે, ભૂલથી પણ બેદરકારી ન રાખતા
આજકાલની વ્યસ્ત લાઈફસ્ટાઈલ અને ખાનપાનની ખોટી આદતોના કારણે નાની ઉંમરમાં જ કિડની સ્ટોન એટલે કે પથરીની સમસ્યા ઘણી સામાન્ય બની ગઈ છે. શરૂઆતમાં આ બીમારીના લક્ષણો સરળતાથી પકડાતા નથી પરંતુ શરીર આપણને કેટલાક એવા સંકેતો આપે છે કે, જેને ઓળખી લેવા ખૂબ જરૂરી છે.
આજકાલ ખરાબ લાઈફસ્ટાઈલ, શરીરમાં પાણીની કમી અને અનહેલ્ધી ખાનપાનના કારણે હેલ્થ પર ખરાબ અસર પડે છે, ખાસ કરીને કિડની સ્ટોનનું (પથરી) જોખમ પણ ઘણું વધી જાય છે. આજકાલ આ સમસ્યા ખૂબ જ વધારે જોવા મળી રહી છે. શરૂઆતમાં કિડનીમાં બનતી નાની પથરીના કોઈ ખાસ લક્ષણો દેખાતા નથી પરંતુ જેમ-જેમ તે વધે છે, તેમ-તેમ ઘણા મોટા લક્ષણો દેખાવા લાગે છે, જેનાથી તમે આસાનીથી તેનો અંદાજ લગાવી શકો છો.
પથરી વધવા પર દુખાવો ખૂબ જ વધારે ખતરનાક થવા લાગે છે. સમજમાં નથી આવતું કે, શું કરવું અને શું ન કરવું? એવામાં તમારી નાની સરખી પણ બેદરકારી ગંભીર દુખાવાનું કારણ બની શકે છે.
કિડની સ્ટોનની સમસ્યા થવા પર કમર અથવા પીઠના નીચેના ભાગમાં અસહ્ય દુખાવાની સમસ્યા ખૂબ જ વધી જાય છે, જેનાથી લોકો ઘણા પરેશાન થઈ જાય છે. આ દુખાવો ઘણીવાર એટલો અસહ્ય બની જાય છે કે, બેસવું પણ મુશ્કેલ થઈ જાય છે.
કિડની સ્ટોનની એક સમસ્યા એ પણ હોય છે કે, વારંવાર પેશાબ આવવાની તકલીફ ભોગવવી પડી શકે છે. વારંવાર પેશાબ આવવાની આ સમસ્યા જો રાત્રે પણ થવા લાગે, તો તમારે તેને નજરઅંદાજ ન કરવી જોઈએ અને ડૉક્ટર પાસે જઈને સલાહ લેવી જોઈએ.
કિડની સ્ટોનની સમસ્યા થવા પર પેશાબ કરતી વખતે બળતરા અથવા દુખાવા જેવી તકલીફ પણ થઈ શકે છે. કેટલાક લોકો આ સમસ્યાને સામાન્ય ગણીને નજરઅંદાજ કરી દે છે પરંતુ તમારે આને 'યુરિન ઈન્ફેક્શન' સમજીને ભૂલથી પણ નજરઅંદાજ કરવાની ભૂલ ન કરતાં.
કેટલાક કિસ્સાઓમાં કિડની સ્ટોનના કારણે ઉલ્ટી અથવા તાવની ફરિયાદ થઈ શકે છે અને એટલા માટે ભૂલથી પણ તમારે આ વસ્તુને નજરઅંદાજ ન કરવી જોઈએ, નહીંતર તમે વધુ મુશ્કેલીઓનો ભોગ બની શકો છો.
કિડની સંબંધિત સમસ્યા થવા પર પેશાબમાં લોહી આવવા જેવી સમસ્યાઓ પણ થઈ શકે છે. આને તમારે ભૂલથી પણ નજરઅંદાજ ન કરવી જોઈએ. પેશાબનો રંગ તમને ગુલાબી, લાલ અથવા ભૂરા રંગનો દેખાઈ શકે છે.
