Health Tips : પ્રેગ્નન્ટ મહિલા અને બાળકોએ જરુર ખાવું જોઈએ આ નાનકડું ફળ
સ્ટ્રોબેરી માત્ર ખાવામાં જ સ્વાદિષ્ટ નથી, પરંતુ સ્વાસ્થ્ય માટે પણ ફાયદાકારક છે. પરંતુ માત્ર સ્ટ્રોબેરી જ નહીં, પરંતુ તેના પાંદડા પણ સ્વાસ્થ્ય માટે અદ્ભુત ગુણોથી ભરપૂર છે.તો ચાલો આજે આપણે સ્ટ્રોબરીના ફાયદા વિશે જાણીએ.
તમને જણાવી દઈએ કે, સ્ટ્રોબેરીમાં ફાઈબર ભરપુર માત્રામાં હોય છે. જે વજન ઓછો કરવા માટે પણ ફાયદાકારક છે.સ્ટ્રોબેરીના પાંદડા પણ ખુબ ફાયદાકારક છે. તે મેટાબોલિઝમને સુધારવા અને કોલેસ્ટ્રોલ લેવલને ઓછું કરવામાં મદદ કરે છે.
ગર્ભવતી માતા માટે લાલ રંગની સ્ટ્રોબેરી ખાવી ફાયદાકારક માનવામાં આવે છે. એક સ્ટ્રોબેરીમાં લગભગ 27 ગ્રામ કેલ્શિયમ હોય છે. તેના સેવનથી બાળકના દાંત અને હાડકાંનો વિકાસ ઝડપી બનશે. તમે ઈચ્છો તો તેને જ્યુસ, સ્મૂધી કે સલાડમાં મિક્સ કરીને ખાઈ શકો છો.
સ્ટ્રોબેરીમાં ફાઈબર ભરપુર માત્રામાં હોય છે. તેના સેવન કરવાથી કબજીયાતમાંથી રાહત મળે છે. સ્ટ્રોબેરીનું સેવન કરવાથી પાચન સંબંધી તમામ પરેશાનીઓને દુર કરવામાં મદદ કરે છે.જો તમે નબળા હાડકાંની સમસ્યાથી પરેશાન છો, તો સ્ટ્રોબેરી તમારી સમસ્યા દૂર કરી શકે છે. સ્ટ્રોબેરીમાં કેલ્શિયમ અને મેગ્નેશિયમ જેવા પોષક તત્વો મળી આવે છે જે હાડકાંને મજબૂત બનાવવામાં મદદ કરે છે.
