Hair Care Tips : શિયાળામાં હેર સ્પા કરવું જોઈએ કે નહીં? દૂર કરો તમારી મૂંઝવણ
શિયાળામાં વાળ ખૂબ જ ડ્રાઈ થઈ જાય છે તેથી લોકો વાળને નરમ અને ચમકદાર બનાવવા માટે કોસ્મેટિક ટ્રીટમેન્ટનો આશરો લે છે. જેમાંથી હેર સ્પા એકદમ સામાન્ય છે. ઘણી વખત પ્રશ્ન થાય છે કે શિયાળામાં હેર સ્પા કરાવવો કે નહીં.
છોકરો હોય કે છોકરી, વાળ સુંદરતામાં વધારો કરે છે. તેથી જ દરેક વ્યક્તિ પોતાના વાળને સ્વસ્થ રાખવા માટે ઘણા પ્રયત્નો કરે છે. જો કે વાળને મુલાયમ અને ચમકદાર બનાવવા માટે કેરાટિન જેવી અનેક પ્રકારની કોસ્મેટિક ટ્રીટમેન્ટ ઉપલબ્ધ છે પરંતુ એક વખત આ ટ્રીટમેન્ટ ઓછામાં ઓછા 3 થી 6 મહિના પછી ફરીથી કરવામાં આવે છે જ્યારે હેર સ્પા લોકો 15 દિવસ કે એક-એક મહિના પછી કરાવે છે. બદલાતી ઋતુની સાથે ત્વચાની સંભાળથી લઈને વાળની સંભાળ સુધીની દરેક બાબતમાં બદલાવ આવે છે. તેથી સવાલ એ થાય છે કે શિયાળામાં હેર સ્પા કરી શકાય કે નહીં.
ઉનાળામાં લોકો ઓયલી વાળની સમસ્યાથી પરેશાન હોય છે ત્યારે શિયાળામાં વાળમાં ડ્રાઈનેસથી કંટાળી જાય છે. આવી સ્થિતિમાં વાળને મુલાયમ બનાવવા માટે લોકો કોસ્મેટિક ટ્રીટમેન્ટ ખાસ કરીને હેર સ્પાનો સહારો લે છે તો ચાલો જાણીએ કે હેર સ્પાની પ્રક્રિયા શું છે અને તે શિયાળામાં કરી શકાય કે નહીં.
હેર સ્પા શું છે? : અન્ય કોસ્મેટિક હેર ટ્રીટમેન્ટ્સથી વિપરીત હેર સ્પામાં હાર્ડ કેમિકલનો ઉપયોગ થતો નથી. જો કે તેમાં સ્પા ક્રીમનો ઉપયોગ કરવામાં આવે છે. સ્પાની પ્રક્રિયામાં સૌપ્રથમ વાળને હળવા શેમ્પૂથી સાફ કરવામાં આવે છે અને પછી વાળને સૂકવીને તેને ડિટેન્ગ કર્યા પછી વાળ પર સ્પા ક્રીમનું લેયર લગાવવામાં આવે છે. ક્રીમ સુકાઈ જાય પછી વાળને વરાળ આપવામાં આવે છે અને પછી નવશેકા પાણીથી વાળ ધોયા પછી કન્ડિશનર લગાવીને વાળ ધોવામાં આવે છે. આ રીતે સ્પા પ્રક્રિયામાં વાળની ડીપ કન્ડિશનિંગ કરવામાં આવે છે.
શિયાળામાં હેર સ્પા કરાવવો જોઈએ કે નહીં? : ડ્રાયનેસ ઘટાડવા અને શિયાળા દરમિયાન તમારા વાળને નરમ અને કુદરતી રીતે ચમકદાર રાખવા માટે હેર સ્પા કરાવવો એ એક બેસ્ટ વિકલ્પ છે. કારણ કે આમાં વાળને ડિપ કન્ડિશન્ કરવામાં આવે છે. જો કે ફક્ત એટલું ધ્યાનમાં રાખો કે આ પછી વાળ પર વધુ પડતા ગરમ સાધનોનો ઉપયોગ કરવાનું ટાળો. જો તમે ઇચ્છો તો ઘરે પણ સરળ સ્ટેપમાં હેર સ્પા કરી શકો છો. ઘરમાં સ્ટીમ મશીન નથી તેથી ટુવાલને ગરમ પાણીમાં પલાળીને વાળની આસપાસ ત્રણથી ચાર વાર લપેટી લેવો જોઈએ. માત્ર એટલું ધ્યાન રાખો કે આ પ્રક્રિયામાં ટુવાલ વધુ ગરમ ન હોવો જોઈએ.
તમારા વાળને કુદરતી રીતે મુલાયમ રાખવા અને શિયાળા દરમિયાન વાળની ડ્રાઈનેસ ઓછી કરવા માટે કુદરતી વસ્તુઓ પણ તમારા માટે ખૂબ ઉપયોગી સાબિત થઈ શકે છે. આ માટે તમે એલોવેરા જેલનો ઉપયોગ કરી શકો છો. તેમાં મધ, ઈંડું અને નારિયેળ તેલ મિક્સ કરીને પણ હેર માસ્ક બનાવી શકાય છે. આ સિવાય દહીં અને ઈંડાનું મિશ્રણ પણ વાળ પર અદ્ભુત અસર દર્શાવે છે.