Breaking News: સોના-ચાંદી પર સરકારનો ‘મોટો નિર્ણય’, મધ્યમ વર્ગ માટે આ સારા સમાચાર કે પછી ઝટકો?
સોના અને ચાંદી ખરીદનારાઓ તેમજ આ વેપાર સાથે જોડાયેલા લોકો માટે એક મહત્વના સમાચાર આવ્યા છે. વૈશ્વિક બજારની સ્થિતિને ધ્યાનમાં રાખીને સરકારે સોના-ચાંદીને લઈને એક મોટો નિર્ણય લીધો છે. હવે આ નવા નિર્ણયથી મધ્યમ વર્ગને સોના-ચાંદીની ખરીદીમાં કોઈ ફાયદો થશે કે નહીં, તે જોવાનું રહ્યું.
સોના અને ચાંદીના ભાવમાં છેલ્લા કેટલાક સમયમાં ઘણો ઉતાર-ચઢાવ જોવા મળ્યો છે. માત્ર ભાવમાં જ નહીં પરંતુ ઈમ્પોર્ટ ડ્યુટી (આયાત વેરા) માં પણ ઘણા ફેરફારો જોવા મળ્યા છે. આના કારણે ક્યારેક વેપારીઓને ફાયદો થયો, તો ક્યારેક નુકસાનની સ્થિતિ પણ સર્જાઈ. બીજી તરફ ગ્રાહકોની હાલત પણ કંઈક આવી જ રહી છે. આ દરમિયાન હવે ફરી એકવાર સરકારે સોના-ચાંદીની આયાત પર એક મોટો નિર્ણય લીધો છે, જેનાથી જ્વેલરી બજાર અને ગ્રાહકો બંનેને થોડી રાહત મળી શકે છે.
વાસ્તવમાં કેન્દ્ર સરકારે તાજેતરમાં જ સોના અને ચાંદીની બેઝ ઈમ્પોર્ટ પ્રાઈસ (Base Import Price) માં ઘટાડો કર્યો છે. ચાંદીની બેઝ ઈમ્પોર્ટ પ્રાઈસ $6 ઘટાડીને $1,869/કિલોગ્રામ કરી દેવામાં આવી છે. જો કે, સરકારે સોનાની બેઝ ઈમ્પોર્ટ પ્રાઈસ વધારી છે અને હવે સોનાની બેઝ ઈમ્પોર્ટ પ્રાઈસ $14 વધારીને $1,311/10 ગ્રામ થઈ ગઈ છે.
બેઝ ઈમ્પોર્ટ પ્રાઈસ એ નક્કી કરેલી કિંમત હોય છે, જેના આધારે આયાત કરવામાં આવતા સોના અને ચાંદી પર લાગતી સીમા શુલ્ક (કસ્ટમ ડ્યુટી) ની ગણતરી કરવામાં આવે છે. સરકાર આ કિંમતમાં આંતરરાષ્ટ્રીય બજારમાં ચાલી રહેલા ભાવ અને અન્ય આર્થિક પરિસ્થિતિઓને ધ્યાનમાં રાખીને સમય-સમય પર ફેરફાર કરતી રહે છે. તાજેતરમાં જ સરકારે આમાં ફેરફાર કર્યો છે, જેની અસર સોના-ચાંદીની આયાત અને વેપાર સાથે જોડાયેલા લોકો પર જોવા મળી શકે છે.
બેઝ ઈમ્પોર્ટ પ્રાઈસમાં ફેરફાર થવાથી સોનું અને ચાંદી આયાત કરનારા વેપારીઓની પડતરમાં ઘટાડો આવી શકે છે. આનાથી જ્વેલરી વેપારીઓને રાહત મળવાની શક્યતા છે, કારણ કે તેમના માટે કાચા માલની ખરીદી પહેલાની સરખામણીએ સરળ બની શકે છે. પડતર ઘટવાથી બજારમાં ભાવો અને બિઝનેસના માર્જિન પર પણ અસર પડી શકે છે.
જો આંતરરાષ્ટ્રીય બજારમાં સોના-ચાંદીના ભાવો અને ડોલર સામે રૂપિયાના વિનિમય દરમાં વધુ ઉતાર-ચઢાવ ન થાય, તો આયાત પડતરમાં આવેલા ઘટાડાનો થોડો ફાયદો સામાન્ય ગ્રાહકો સુધી પણ પહોંચી શકે છે. આનાથી જ્વેલરીના ભાવોમાં સ્થિરતા આવવાની અને ખરીદીને વેગ મળવાની આશા રાખી શકાય છે.
