Breaking News : સાડા સાત કરોડ પીએફ ખાતાધારકો માટે ખુશખબર, હવે EPFO 3 દિવસમાં 5 લાખ રૂપિયા આપશે
EPFO એ, એડવાન્સ દાવાઓ માટેની ઓટો-સેટલમેન્ટની મર્યાદા વધારી દીધી છે. આ મર્યાદા અત્યાર સુધી 1 લાખ રૂપિયા હતી, જે વધારીને 5 લાખ રૂપિયા કરવામાં આવી છે. આ પગલાથી EPFO ના 7.5 કરોડ ખાતાધારકોને ઓટો-સેટલમેન્ટ વધુ સરળ બનશે.
ખાનગી ક્ષેત્રમાં કામ કરતા અને EPFO ખાતું ધરાવનારા લોકો માટે સારા સમાચાર છે. કર્મચારી ભવિષ્ય નિધિ સંગઠન (EPFO) એ, કર્મચારીઓના હિતમાં એક મોટો નિર્ણય લીધો છે. હવે EPFO તેના સભ્યોને કોઈપણ કાગળકામ વગર માત્ર 3 દિવસમાં જ 5 લાખ રૂપિયા સુધીની રકમ આપશે.
વાસ્તવમાં, કર્મચારી ભવિષ્ય નિધિ સંગઠનમા, એડવાન્સ દાવાની ઓટો-સેટલમેન્ટની મર્યાદા વધી ગઈ છે. આ મર્યાદા 1 લાખ રૂપિયાથી વધારીને 5 લાખ રૂપિયા કરવામાં આવી છે. આ પગલાથી EPFO ના 7.5 કરોડ સભ્યો માટે ઓટો સેટલમેન્ટનુ સમાધાન વધુ સરળ બનશે.
કર્મચારી ભવિષ્ય નિધિ સંગઠન (EPFO) તેના કરોડો સભ્યોને રાહત આપવા માટે એક મોટી યોજના બનાવી રહ્યું છે. હાલમાં ઓટો ક્લેમ સેટલમેન્ટ મર્યાદા ₹1 લાખ છે, જે મે 2024 માં ₹ 50,000 થી વધારીને કરવામાં આવી હતી. પરંતુ હવે આ મર્યાદા પાંચ ગણી વધારીને ₹5 લાખ કરવાની યોજના છે. તેનો સીધો લાભ એવા સભ્યોને મળશે જેમને તબીબી કટોકટી, ઘરની મરામત, લગ્ન અથવા ઉચ્ચ શિક્ષણ જેવી બાબતોમાં ઝડપી ભંડોળની જરૂર પડે છે.
નાણાકીય વર્ષ 2023-24માં, લગભગ 90 લાખ લોકોએ ઓટો ક્લેમ સેટલમેન્ટનો લાભ લીધો હતો, જે 2024-25માં વધીને 2 કરોડ થઈ શકે છે. આ ડેટા દર્શાવે છે કે ડિજિટલ પ્રક્રિયાથી લોકોને કેટલો ફાયદો થયો છે.
અગાઉ, 1 લાખ રૂપિયાથી વધુ ઉપાડ માટે, EPFO ઓફિસમાં જઈને ભૌતિક ચકાસણી કરાવવી જરૂરી હતી, જે આ મર્યાદા વધ્યા પછી હવે જરૂરી રહેશે નહીં. એટલે કે હવે ફક્ત 3 દિવસમાં તમને કોઈપણ દસ્તાવેજ વિના તમારા કામ માટે તમારા ખાતામાં જમા રહેલી રકમમાંથી રૂપિયા 5 લાખ મળી શકશે.
EPFO, નેશનલ પેમેન્ટ્સ કોર્પોરેશન ઓફ ઈન્ડિયા (NPCI) ના સહયોગથી, એવું ટેકનિકલ ઈન્ફ્રાસ્ટ્રક્ચર વિકસાવી રહ્યું છે, જે જૂન 2025 થી, ATM અને UPI દ્વારા પણ PF ની રકમ ઉપાડી શકાશે. આ પધ્ધતિ એટીએમ દ્વારા બેંક ખાતામાંથી પૈસા ઉપાડવા જેવું જ હશે. આ દરખાસ્તને CBT (સેન્ટ્રલ બોર્ડ ઓફ ટ્રસ્ટીઝ) ની આગામી બેઠકમાં અંતિમ મંજૂરી મળી શકે છે.
