Stock Market: 85% જેટલું રિટર્ન મળશે ! આ જ્વેલરી શેર બની શકે છે ‘ગેમ ચેન્જર’, રોકાણકારો માટે ‘સુવર્ણ તક’
બુધવારે (7 જાન્યુઆરી) ના રોજ, જ્વેલરી બનાવતી કંપનીના શેરે BSE પર ઇન્ટ્રા-ડે ટ્રેડમાં લગભગ 13 ટકાનો ઉછાળો નોંધાવ્યો હતો, જે 3 મહિનાથી વધુ સમયગાળામાં તેના હાઇ લેવલે પહોંચ્યો હતો.
બ્રોકરેજનું કહેવું છે કે, તહેવારની સિઝનમાં સ્ટ્રેટેજિક કેમ્પેઇન, નવા ડિઝાઇનની લોન્ચિંગ અને ધનતેરસ તથા દિવાળી દરમિયાન ગ્રાહકોની વધેલી ભાગીદારીથી કંપનીની ગ્રોથને મજબૂતી મળી છે.
બ્રોકરેજ મુજબ, કંપનીએ ક્વાર્ટર દરમિયાન 4 નવા શો-રૂમ ખોલ્યા, જેનાથી કંપનીના કુલ સ્ટોર્સની સંખ્યા 196 થઈ ગઈ. નાણાકીય વર્ષ 2025-26 ના પ્રથમ નવ મહિના દરમિયાન, કંપનીએ 11 ફ્રેન્ચાઇઝ સ્ટોર્સ અને 5 કંપની માલિકીના સ્ટોર્સ ખોલ્યા. આ સિવાય, કંપની COCO અને FOCO મોડેલ્સ હેઠળ 3 થી 4 વધુ શો-રૂમ ખોલવાની યોજના ધરાવે છે, જે તેને 200 શો-રૂમના ટાર્ગેટ સુધી પહોંચવામાં મદદ કરશે.
જ્વેલરી બનાવતી કંપનીના શેર તેના 52-વીકના હાઇ રૂ. 580 થી લગભગ 45% નીચે ટ્રેડ થઈ રહ્યા છે. શેરનો 52-વીકનો લો (Low) રૂ. 227 છે. તાજેતરના પ્રદર્શન પર નજર કરીએ તો, એક મહિનામાં શેરમાં 16.82% નો વધારો થયો છે. 3 મહિનામાં શેરમાં 3.45% નો વધારો થયો છે, જ્યારે 6 મહિનામાં શેરનું પ્રદર્શન સ્થિર રહ્યું છે. નોંધનીય છે કે, એક વર્ષમાં શેરના ભાવમાં 37.57% નો ઘટાડો થયો છે.
હાલમાં એટલે કે આજે 07 જાન્યુઆરીના રોજ Senco Gold ના શેર રૂ. 362 ના ભાવે બંધ થયા હતા. મળતી માહિતી મુજબ, કંપનીની માર્કેટ કેપ ₹ 5,918 કરોડ જેટલી આસપાસ છે.
