Breaking News: સોનાના ભાવ 3 અઠવાડિયાની નીચી સપાટીએ, ચાંદીની કિંમતમાં પણ આવ્યો ‘મોટો કડાકો’
દિલ્હીના સર્રાફા બજારમાં સોના અને ચાંદીના ભાવમાં મોટો ઘટાડો જોવા મળ્યો છે, જેના કારણે સોનું છેલ્લા ત્રણ અઠવાડિયાની સૌથી નીચી સપાટીએ પહોંચી ગયું છે. અમેરિકા અને ઈરાન વચ્ચે ચાલી રહેલા તણાવની સીધી અસર હવે સોના-ચાંદીના ભાવ પર પડી રહી છે.
17 જુલાઈના રોજ એટલે કે શુક્રવારે સોના અને ચાંદીના ભાવમાં ઘટાડો નોંધાયો છે. આ ઘટાડાને કારણે સોનાનો ભાવ ત્રણ અઠવાડિયાની નીચી સપાટીએ પહોંચી ગયો છે. દિલ્હી સર્રાફા બજારમાં સોનું 800 રૂપિયા ઘટીને 1,45,000 રૂપિયા પ્રતિ 10 ગ્રામ પર બંધ થયું હતું. બીજીબાજુ ચાંદી 2,000 રૂપિયા ઘટીને 2,22,500 રૂપિયા પ્રતિ કિલોગ્રામ પર બંધ થઈ હતી.
આંતરરાષ્ટ્રીય બજારમાં સોનામાં તેજી અને ચાંદીમાં ઘટાડો જોવા મળ્યો હતો. સ્પોટ ગોલ્ડ 0.4 ટકા વધીને 3,987.23 ડોલર પ્રતિ ઔંસ પર ચાલી રહ્યું હતું. યુએસ ગોલ્ડ ફ્યુચર્સ 0.03 ટકા ઘટીને 3,990 ડોલર પ્રતિ ઔંસ પર હતું. આ અઠવાડિયે સોનું 3 ટકાથી વધુ ઘટી ચૂક્યું છે. સ્પોટ સિલ્વર 0.6 ટકાના ઘટાડા સાથે 55.18 ડોલર પ્રતિ ઔંસ પર હતું.
ભારતમાં ગોલ્ડ ફ્યુચર્સમાં પણ ઘટાડો જોવા મળ્યો હતો. કોમોડિટી એક્સચેન્જ MCX પર સાંજના કારોબારમાં તે 0.25 ટકા એટલે કે 348 રૂપિયા ઘટીને 1,40,000 રૂપિયા પ્રતિ 10 ગ્રામ પર ચાલી રહ્યું હતું. સિલ્વર ફ્યુચર્સ 0.84 ટકા એટલે કે 2,14,149 રૂપિયા ઘટીને પ્રતિ કિલોગ્રામ પર ચાલી રહ્યું હતું.
વિશ્લેષકો (એનાલિટ્સ) નું કહેવું છે કે, સોનાના ભાવ પર અમેરિકા-ઈરાનના યુદ્ધની અસર પડી રહી છે. આ યુદ્ધના કારણે ક્રૂડ ઓઈલના ભાવમાં ઉછાળો આવ્યો છે. આ સાથે જ ક્રૂડ મોંઘું થવાને કારણે મોંઘવારી વધવાની આશંકા છે. મોંઘવારીને કાબૂમાં લેવા માટે અમેરિકી કેન્દ્રીય બેંક ફેડરલ રિઝર્વ વ્યાજ દરોમાં ઘટાડો કરી શકે છે.
ફોરેક્સ ડોટ કોમના માર્કેટ એનાલિસ્ટ રઝાકઝાદાએ જણાવ્યું હતું કે, "ભાવ નીચે જતાં જ શોર્ટ સેલર્સ તકનો ફાયદો ઉઠાવે છે. જો ઓઈલના ભાવ હજુ વધુ ઉપર જશે, તો તેની અસર સોના પર જોવા મળશે. તેનું કારણ એ છે કે, ઓઈલ મોંઘું થવાથી મોંઘવારી (ઇન્ફ્લેશન) વધવાનું જોખમ ઊભું થશે. આનાથી વ્યાજ દર વધશે, જેના કારણે બોન્ડ્સમાં લોકોનો રસ વધશે." વ્યાજ દર વધવાના માહોલમાં સોનાની ચમક ઓછી થાય છે, કારણ કે સોનું એવી એસેટ છે જેની કોઈ યીલ્ડ (વળતર) મળતી નથી. વેપારીઓને અમેરિકામાં સપ્ટેમ્બરમાં વ્યાજ દર વધવાની 50 ટકા આશા છે.
આ વર્ષે જાન્યુઆરી મહિનાથી સોના પર સતત દબાણ જોવા મળી રહ્યું છે. જાન્યુઆરીના અંતમાં સોનાના ભાવ રેકોર્ડ સપાટીએ પહોંચી ગયા હતા. ત્યારપછી તેમાં ઘટાડો જોવા મળ્યો છે. સોનું તેની રેકોર્ડ સપાટીથી 30 ટકાથી વધુ ઘટી ચૂક્યું છે. ફેબ્રુઆરીના અંતમાં અમેરિકા-ઈરાન વચ્ચે યુદ્ધ શરૂ થયા બાદથી સોનાના ભાવ પર દબાણ જોવા મળી રહ્યું છે.
