સોના-ચાંદીમાં હવે ‘મોટો ખેલ’ થશે કે ‘મંદી’ આવશે ? શોર્ટ ટર્મ વાળા ફસાશે કે લોંગ ટર્મ વાળા કમાશે?
આંતરરાષ્ટ્રીય માર્કેટમાં સોના-ચાંદીના ભાવમાં જે રીતે ઉતાર-ચઢાવ આવી રહ્યો છે, તેણે રોકાણકારોના જીવ અધ્ધર કરી દીધા છે. હવે સૌથી મોટો સવાલ એ છે કે, આગામી દિવસોમાં સોના-ચાંદીમાં શું થશે? કયા મોટા ફેક્ટર્સ આ કિંમતી ધાતુઓનો ભાવ નક્કી કરશે? માર્કેટના હાલના સેન્ટિમેન્ટને જોતાં અત્યારે શોર્ટ ટર્મ માટે પૈસા રોકવા ફાયદાકારક રહેશે કે પછી લોંગ ટર્મનો પ્લાન મોટો નફો આપશે?
આંતરરાષ્ટ્રીય બજારમાં ગોલ્ડ અને સિલ્વરની કિંમતોમાં હાલમાં ઉતાર-ચઢાવ ચાલુ છે. જો કે, શરૂઆતી કારોબારમાં થોડી રિકવરી જોવા મળી હતી પરંતુ રોકાણકારોની નજર હવે સંપૂર્ણપણે અમેરિકાના Federal Open Market Committee ની મીટિંગ અને ડોલરની ચાલ પર ટકેલી છે. માર્કેટ એક્સપર્ટનું કહેવું છે કે, આગામી દિવસોમાં અમેરિકી ડોલરની મજબૂતી, દેવા સાથે જોડાયેલી ચિંતાઓ (Global Debt Concerns) અને અમેરિકી વ્યાજ દરોને લઈને લેવાનારા નિર્ણયો સોના-ચાંદીની દિશા નક્કી કરશે.
હાલમાં આંતરરાષ્ટ્રીય બજારમાં 'સોનું' 4,000 ડોલર પ્રતિ ઔંસની આસપાસ કારોબાર કરતું જોવા મળી રહ્યું છે, જ્યારે ચાંદીમાં સોનાની સરખામણીએ થોડું વધારે દબાણ જોવા મળ્યું અને તેની કિંમત આશરે 55 થી 56 ડોલર પ્રતિ ઔંસના દાયરામાં રહી. એક્સપર્ટનું માનવું છે કે, વર્તમાન નબળાઈને બહુ મોટી વિપરીત અસર તરીકે ન જોવી જોઈએ. તેમનું કહેવું છે કે, શોર્ટ ટર્મમાં કિંમતો પર થોડું દબાણ રહી શકે છે પરંતુ લોંગ ટર્મનો નજરીયો હજુ પણ સકારાત્મક બનેલો છે.
એક્સપર્ટ્સના જણાવ્યા અનુસાર, જો સોનામાં ઘટાડો આવે તો પણ તેની કિંમત આશરે 3,950 ડોલર પ્રતિ ઔંસ સુધી જઈ શકે છે, જ્યારે ચાંદીમાં પણ મર્યાદિત નબળાઈની શક્યતા દર્શાવવામાં આવી છે અને તેનું સ્તર આશરે 54 થી 55 ડોલર પ્રતિ ઔંસ સુધી માનવામાં આવી રહ્યું છે. ત્યારબાદ કિંમતોમાં ફરીથી મજબૂતી જોવા મળી શકે છે.
આ જ કારણે બજારના જાણકારો અત્યારે ધીમે-ધીમે ખરીદી કરવાની સલાહ આપી રહ્યા છે. તેમનું માનવું છે કે, જે રોકાણકારો એકસાથે મોટી રકમ લગાવવાને બદલે એક સિસ્ટમ (પદ્ધતિસર)થી રોકાણ કરશે, તેમને ભવિષ્યમાં વધુ સારું રિટર્ન મળવાની સંભાવના હોઈ શકે છે. એક્સપર્ટનું કહેવું છે કે, આગામી થોડા દિવસોમાં રોકાણકારોને બહુ મોટો નફો કદાચ ન મળે પરંતુ જો રોકાણનો નજરીયો 3 થી 5 મહિના કે તેથી વધુ સમયનો હોય, તો વર્તમાન સ્તર સારી તક સાબિત થઈ શકે છે.
સોના-ચાંદીની કિંમતો પર માત્ર વ્યાજ દરો જ અસર નથી કરતા પરંતુ જીઓ-પોલિટિકલ ટેન્શન, મોંઘવારી, ડોલર ઇન્ડેક્સ અને વૈશ્વિક આર્થિક સ્થિતિ પણ મહત્વની ભૂમિકા ભજવે છે. આથી રોકાણકારોએ આ તમામ સંકેતો પર નજર રાખવી જોઈએ. માર્કેટ એક્સપર્ટનું કહેવું છે કે, Near Term (ટૂંકા ગાળા) માં હળવી નબળાઈ નકારી શકાય તેમ નથી પરંતુ લોંગ ટર્મ બુલિશ વ્યુ (તેજીનો અંદાજ) હજુ પણ કાયમ છે.
Published On - 4:57 pm, Mon, 20 July 26
