Gold Rate : વર્ષ 2026 માં સોનાનો ભાવ કેટલો ? Goldman Sachs દ્વારા કરવામાં આવી મોટી ભવિષ્યવાણી, રોકાણકારો ઝૂમી ઉઠ્યા !
તહેવારોની સીઝન પહેલા જ સોનાના ભાવમાં વધારો જોવા મળી રહ્યો છે. વધુમાં એવું પણ કહેવાઈ રહ્યું છે કે, આવતા વર્ષે પણ સોનાની કિંમતમાં જંગી ઉછાળો થશે.
માત્ર સોનું જ નહીં, પરંતુ ચાંદીના ભાવમાં પણ વધારો ચાલુ છે. બુધવારે ચાંદીના ભાવ ₹3,000 વધીને ₹1,57,000 પ્રતિ કિલો થયા, જે તેના રેકોર્ડ ઉચ્ચ સ્તરની ખૂબ નજીક છે. સોમવારે, ચાંદીના ભાવ ₹1,57,400 પ્રતિ કિલોના ઉચ્ચ સ્તરે પહોંચ્યા. મંગળવારે ચાંદી ₹1,54,000 પ્રતિ કિલોનો ભાવ હતો.
સોનાના ભાવ કેમ વધી રહ્યા છે? - ઓલ ઈન્ડિયા સરાફા એસોસિએશનના જણાવ્યા અનુસાર, સોમવારે ₹2,600ના તીવ્ર વધારા બાદ મંગળવારે 99.9% શુદ્ધ સોનાનો ભાવ ₹1,24,000 પ્રતિ 10 ગ્રામ પર બંધ થયો હતો. નિષ્ણાતો કહે છે કે યુક્રેન અને એશિયામાં વધતા તણાવ અને ફેડરલ રિઝર્વ દ્વારા સંભવિત વ્યાજ દરમાં ઘટાડાની વધતી જતી બજાર અપેક્ષાઓએ રોકાણકારોને સોના જેવી સલામત સંપત્તિ તરફ આકર્ષિત કર્યા છે.
પીટીઆઈના અહેવાલ મુજબ, દિલ્હી બુલિયન બજારમાં બુધવારે સોનાના ભાવ ₹2,600 વધીને ₹1,26,600 પ્રતિ 10 ગ્રામના ઉચ્ચ સ્તરે પહોંચ્યો છે. ચાંદીના ભાવ પણ તેમના ઉચ્ચ સ્તરે રહ્યા હતા.
Published On - 7:13 pm, Tue, 7 October 25
