Gold Silver: રોકાણકારો પછી કે મધ્યમ વર્ગ? વર્ષ 2026 માં કોને તૈયાર રહેવું જોઈએ? ટેકનિકલ ચાર્ટમાં જોવા મળી રહ્યા છે ‘મજબૂત સંકેત’
કિંમતી ધાતુઓના બજારમાં લાંબાગાળાના રોકાણો પર ચર્ચા વધુ તેજ બની છે. ટેકનિકલ સંકેત, વૈશ્વિક આર્થિક અનિશ્ચિતતા અને સલામત રોકાણની વધતી માંગને કારણે રોકાણકારોમાં હવે રસ જાગ્યો છે.
આ સિવાય યુએસ નાણાકીય નીતિ અંગેના સેન્ટિમેન્ટમાં પણ ફેરફાર થયો છે. વધુ વ્યાજ દરમાં ઘટાડાની અપેક્ષાઓ અને નબળા ડોલરે સોના-ચાંદી બંનેને ટેકો આપ્યો છે. આ જ કારણ છે કે, સ્પોટ સિલ્વર પ્રતિ ઔંસ $70 થી ઉપર ટ્રેડ થઈ રહ્યો છે અને ચાંદી વર્ષ-દર-વર્ષે લગભગ 150% વધી છે.
ટેકનિકલ ચાર્ટ પર સોનું મજબૂત સ્થિતિમાં હોય તેવું લાગે છે. FXEMPIRE મુજબ, સોનાની કિંમત હવે એક મહત્વપૂર્ણ રેઝિસ્ટન્સ તોડીને ઉપર નીકળી ગઈ છે અને નવું બુલિશ સ્ટ્રક્ચર બની રહ્યું હોય, તેવું દેખાઈ રહ્યું છે. સોનાએ તાજેતરમાં $4,380 નું ઓલ ટાઈમ હાઇ વટાવી દીધું છે, જે સૂચવે છે કે આગામી ટાર્ગેટ $5,000 હોઈ શકે છે.
જો કે, ટૂંકાગાળામાં RSI ઓવરબોટ ઝોનમાં છે. આનો અર્થ એ થયો કે, થોડું પ્રોફિટ-બુકિંગ અથવા તો હળવું કરેક્શન શક્ય છે. બજાર નિષ્ણાતો માને છે કે, જો આવું થાય છે, તો આ ઘટાડો ખરીદીની તક બની શકે છે.
રિપોર્ટ અનુસાર, 4 કલાકના ચાર્ટ પર સોનું $4,380 ની આસપાસ રચાયેલ પેટર્નથી ઉપર તૂટી ગયું છે અને હવે $4,500 ની નજીક મજબૂત થઈ રહ્યું છે. ક્રિસમસની આસપાસ કિંમતો રેકોર્ડ સ્તરે પહોંચી ગઈ છે. આથી, જો સોનું $4,380 પર આવશે, તો તે રોકાણકારો માટે મજબૂત ટેકો ગણી શકાશે.
બીજીબાજુ ચાંદીની સ્ટોરી વધુ રસપ્રદ બની રહી છે. દૈનિક ચાર્ટ પર અનેક મજબૂત બુલિશ પેટર્ન બનેલી છે. એવામાં સ્પષ્ટ થાય છે કે, લાંબાગાળાનો ટ્રેન્ડ ઉપરની દિશામાં જઈ શકે છે. $54.50 થી ઉપર તૂટી પડ્યા પછી ચાંદીએ વેગ પકડ્યો છે અને તેનો ભાવ સીધો $70 પર પહોંચી ગયો. આ ઉછાળાથી ચાંદી ઓવરબોટ ઝોનમાં પહોંચી ગઈ છે પરંતુ બજારની ગતિ હજુ પણ મજબૂત દેખાઈ રહી છે. સ્ટ્રક્ચર પણ આ જ સંકેત આપે છે કે, આવનારા સમયમાં ચાંદી વધુ ઉપર જઈ શકે છે.
શોર્ટ ટર્મમાં ચાંદી માટે 85 થી 90 ડોલરનું સ્તર મહત્વપૂર્ણ લક્ષ્ય માનવામાં આવી રહ્યું છે. જો તેજી આવી જ રહી છે, તો સમય સાથે આ લક્ષ્ય વધુ ઉપર પણ જઈ શકે છે. જાન્યુઆરી 2026 સુધી ચાંદીનો ટ્રેન્ડ તેજીમાં રહેશે, તેવી ધારણા છે.
સોના અને ચાંદીના ભાવમાં વધારા પાછળ અમેરિકન ડોલરની નબળાઈ પણ એક મુખ્ય કારણ છે. ડોલર ઇન્ડેક્સ 100.50 ની નીચે ટ્રેડ થઈ રહ્યો છે અને 97.50 ની આસપાસનો સપોર્ટ શોધી રહ્યો છે. જો આ સપોર્ટ તૂટે છે, તો ઈન્ડેક્સ 96.50 અથવા તેનાથી નીચે પણ જઈ શકે છે. નબળો ડોલર સામાન્ય રીતે કિંમતી ધાતુઓ માટે સકારાત્મક માનવામાં આવે છે.
