Gold News:સોનાને લઈને અમેરિકાએ શરૂ કરી મોટી ‘ગેમ’, સમગ્ર વિશ્વમાં વધી ચિંતા
Gold News:વર્લ્ડ ગોલ્ડ કાઉન્સિલના જણાવ્યા અનુસાર ડિસેમ્બર 2023થી અત્યાર સુધીમાં ન્યૂયોર્કની તિજોરીમાં 600 ટન અથવા લગભગ 20 મિલિયન ઔંસ સોનું આવ્યું છે. સામાન્ય રીતે આટલું સોનું ન્યૂયોર્કમાં રાખવામાં આવતું નથી, પરંતુ હવે પરિસ્થિતિ અસામાન્ય છે. આવો તમને આખો મામલો જણાવીએ.
અન્ય દેશો માટે પણ ખતરો અહીં સમાપ્ત થતો નથી. નિષ્ણાતોનું કહેવું છે કે ભવિષ્યમાં બ્રિટન અને સ્વિટ્ઝર્લેન્ડ જેવા દેશોમાંથી આવતા સોના પર પણ ટેક્સ લાદવામાં આવી શકે છે. આ બે દેશો વિશ્વના સૌથી મોટા સોનાના સપ્લાયર છે.
અમેરિકા દુનિયાનું સોનું કેવી રીતે ચૂસી રહ્યું છે? અમેરિકા સૌથી વધુ સોનું કેનેડા, સ્વિટ્ઝર્લેન્ડ, મેક્સિકો, દક્ષિણ આફ્રિકા અને કોલંબિયામાંથી આયાત કરે છે. ટ્રમ્પ ચૂંટણી જીત્યા ત્યારથી અમેરિકન સોનાના ભાવમાં અન્ય દેશોની સરખામણીએ ઝડપથી વધારો થયો છે, જેના કારણે અમેરિકામાં સોનું વેચવામાં વેપારીઓને વધુ નફો મળી રહ્યો છે.ન્યૂયોર્કમાં સંગ્રહાયેલું સોનું હવે અમેરિકાની લગભગ 4 વર્ષની માંગને પહોંચી વળવા માટે પૂરતું છે.
સોનું લંડનથી અમેરિકા શિફ્ટ થઈ રહ્યું છે - લંડનને દુનિયાનું ગોલ્ડ હબ કહેવામાં આવે છે, પરંતુ હવે સ્થિતિ બદલાઈ રહી છે. વેપારીઓએ લંડનમાં ખાનગી તિજોરીમાંથી સોનું કાઢીને ન્યુયોર્ક મોકલવાનું શરૂ કર્યું છે. લંડનમાં સોનાનો સ્ટોક સતત ઘટી રહ્યો છે. જાન્યુઆરી 2025માં લંડનના સોનાના ભંડારમાં સતત ત્રીજો ઘટાડો નોંધાયો હતો.
ગોલ્ડ બાર કટોકટી- બીજી સમસ્યા એ છે કે અમેરિકામાં સોનાની ડિલિવરી સામાન્ય રીતે 1 કિલો ગોલ્ડ બારમાં થાય છે. આ બાર મોટાભાગે ચીન, દક્ષિણ-પૂર્વ એશિયા, મધ્ય પૂર્વ અને ભારતમાં બને છે.
400-ઔંસ બાર (જે લંડનમાં સામાન્ય છે)ને 1-કિલો બારમાં રૂપાંતરિત કરવા માટે વિશ્વભરની રિફાઇનરીઓ પર હવે દબાણ વધી રહ્યું છે જેથી તેઓ યુએસમાં મોકલી શકાય.સ્વિટ્ઝર્લેન્ડ અને સિંગાપોરથી રેકોર્ડ નિકાસ - છેલ્લા 13 વર્ષમાં સૌથી વધુ સોનું જાન્યુઆરીમાં સ્વિટ્ઝર્લેન્ડથી અમેરિકા મોકલવામાં આવ્યું હતું. સિંગાપોરે પણ અપેક્ષા કરતાં વધુ સોનું અમેરિકા મોકલ્યું છે.
સપ્લાય ચેન પર અસર - ટ્રેડર્સનું કહેવું છે કે જે રીતે અમેરિકાએ સોનું ‘ખેંચી’ લીધું છે તેનાથી વૈશ્વિક સપ્લાય ચેઈન સંપૂર્ણપણે ખોરવાઈ ગઈ છે. ટ્રમ્પનો એક જ ફટકો વિશ્વભરના સોનાના કારોબારને અસર કરી શકે છે.
Published On - 2:33 pm, Fri, 28 February 25
