ગૌતમ અદાણીએ ભૂતાન સાથે કરી બિગ ડીલ, આ સેક્ટરમાં 6,000 કરોડ રૂપિયા કરશે ખર્ચ
દેશના મોટા ઉદ્યોગપતિ ગૌતમ અદાણીએ ભૂટાનની સરકારી કંપની ડ્રુક ગ્રીન પાવર કોર્પોરેશન લિમિટેડ સાથે 570 મેગાવોટના પ્રોજેક્ટ માટે કરાર કર્યો છે.
અમે આ નવીનીકરણીય ઉર્જા પ્રોજેક્ટ દ્વારા ભૂતાનના કુદરતી સંસાધનોના વિકાસમાં ભાગ લેવા માટે ઉત્સાહિત છીએ. વાંગચુ પ્રોજેક્ટ શિયાળામાં ભૂતાનની વીજળીની માંગને પૂર્ણ કરશે, જ્યારે જળવિદ્યુત ઉત્પાદન ઓછું હોય છે. તે ઉનાળામાં ભારતમાં વીજળી નિકાસ કરશે.
ડીજીપીસીના મેનેજિંગ ડિરેક્ટર દાશો છેવાંગ રિન્ઝિને જણાવ્યું હતું કે ભૂતાન અને ભારત 1960 થી જળવિદ્યુતમાં સાથે મળીને કામ કરી રહ્યા છે. આ સહયોગ બંને દેશો માટે ફાયદાકારક રહ્યો છે. ભૂતાન 2040 સુધીમાં 15,000 મેગાવોટ જળવિદ્યુત અને 5,000 મેગાવોટ સૌર ઉર્જાની વધારાની ક્ષમતા વિકસાવવા માંગે છે.
અદાણી ગ્રુપની ટેકનિકલ અને નાણાકીય શક્તિ સાથે, આ પ્રોજેક્ટ ઝડપથી પૂર્ણ થશે અને ભવિષ્યના પ્રોજેક્ટ્સ માટે એક બેન્ચમાર્ક સેટ કરશે. આ પ્રોજેક્ટ મે 2025 માં અદાણી ગ્રુપ અને ડીજીપીસી વચ્ચે હસ્તાક્ષર કરાયેલા એમઓયુનો એક ભાગ છે, જે ભૂતાનમાં 5,000 મેગાવોટ જળવિદ્યુત વિકસાવવાની યોજના ધરાવે છે. બંને હવે આગામી પ્રોજેક્ટ્સ માટે ચર્ચામાં વ્યસ્ત છે.
