તુલસી-મિહિરથી લઈને જુઓ 17 વર્ષ બાદ ‘ક્યુંકી સાસ ભી કભી બહુ થી’ના કલાકારો આજે કેવા દેખાય છે?
એકતા કપૂરના ટીવી શો 'ક્યુંકી સાસ ભી કભી બહુ થી' શોને કોણ નથી જાણતુ. આ સિરિયલ 3 જુલાઈ 2000 ના રોજ શરૂ થઈ હતી અને 6 નવેમ્બર 2008 સુધી ચાલી હતી. છેલ્લા 17 વર્ષોમાં, આ શોમાં મહત્વપૂર્ણ ભૂમિકાઓ ભજવનારા ઘણા કલાકારો સંપૂર્ણપણે બદલાઈ ગયા છે. ત્યારે ચાલો જાણીએ તે કલાકારો આજે કેવા દેખાય છે.
મંદિરા બેદીએ 'ક્યુંકી સાસ ભી કભી બહુ થી'માં મંદિરાનું પાત્ર ભજવ્યું હતું. આ તે પાત્ર હતું જેણે તુલસીનું જીવન મુશ્કેલ બનાવી દીધું હતું. મંદિરાએ મિહિર-તુલસીના જીવનમાં ખલનાયક તરીકે પ્રવેશ કર્યો હતો અને તેના કારણે શોમાં ઘણા ટ્વિસ્ટ આવ્યા હતા.
અભિનેતા હિતેન તેજવાનીએ મિહિરના પુત્ર કરણ વિરાણીનું પાત્ર ભજવ્યું હતું, જ્યારે ગૌરી પ્રધાને તેની પત્ની નંદિનીનું પાત્ર ભજવ્યું હતું. કરણ અને નંદિનીની જોડીને પણ દર્શકોએ પસંદ કરી હતી. શો દરમિયાન જ હિતેન અને ગૌરીના વાસ્તવિક જીવનમાં લગ્ન થયા હતા અને તેઓ હજુ પણ ટીવી પર સૌથી પ્રિય કપલ છે.
મૌની રોયે આ સિરિયલમાં કૃષ્ણા તુલસીનું પાત્ર ભજવ્યું હતું, જે તુલસી વિરાણીની પૌત્રી હતી. આ મૌનીની કારકિર્દીની શરૂઆત હતી અને તેને આ શોથી ઓળખ મળી. હવે મૌની રોય ટીવી કરતાં ફિલ્મોમાં વધુ સક્રિય છે.
પુલકિત સમ્રાટે 'ક્યુંકી સાસ ભી કભી બહુ થી' તુલસીના નાના પુત્ર લક્ષ્ય વિરાણીની ભૂમિકા ભજવી હતી. આ પુલકિતની અભિનય કારકિર્દીમાં પહેલી મોટી સફળતા હતી અને આ શોએ તેને ઘર-ઘરમાં જાણીતો બનાવ્યો. તેનો ચોકલેટ બોય લુક અને તેના ચહેરા પરની માસૂમિયત દર્શકોને ખૂબ ગમતી હતી.
'ખતરોં કે ખિલાડી' વિજેતા કરિશ્મા તન્નાએ પણ આ પ્રખ્યાત ટીવી સિરિયલ 'ક્યુંકી સાસ ભી કભી બહુ થી' થી પોતાની કારકિર્દીની શરૂઆત કરી હતી.
