ભૂતપૂર્વ ક્રિકેટર અંશુમાન ગાયકવાડનું લાંબી બિમારી બાદ અવસાન, ક્રિકેટ જગતમાં શોકનું મોજું
Anshuman Gaekwad passed away : ભૂતપૂર્વ ભારતીય ક્રિકેટર અંશુમાન ગાયકવાડનું 31 જુલાઈ, ગુરુવારે રાત્રે નિધન થયું હતું. બ્લડ કેન્સર સામે લાંબી લડાઈ બાદ ગઈકાલે તેમણે અંતિમ શ્વાસ લીધા હતા. તેણે ભારત માટે 40 ટેસ્ટ અને 15 વનડે રમી હતી.
Anshuman Gaekwad passed away : ભૂતપૂર્વ ભારતીય ક્રિકેટર અંશુમાન ગાયકવાડનું બ્લડ કેન્સર સાથે લાંબી લડાઈ બાદ 71 વર્ષની વયે નિધન થયું છે. 12 વર્ષની કરિયરમાં ગાયકવાડે 40 ટેસ્ટ અને 15 ODI મેચ રમી જેમાં તેણે 2 સદીની સાથે 2254 રન બનાવ્યા અને 1983માં જલંધરમાં પાકિસ્તાન સામે 201 રનનો સર્વોચ્ચ સ્કોર બનાવ્યો. થોડાં દિવસ પહેલા જ BCCI સેક્રેટરી જય શાહે ગાયકવાડની મદદ માટે 1 કરોડ રૂપિયા આપવાની જાહેરાત કરી હતી. શાહે ગાયકવાડના પરિવારનો સીધો સંપર્ક કર્યો હતો અને આ પડકારજનક સમયમાં તેમનો દિલથી ટેકો આપ્યો હતો.
ગાયકવાડની ગંભીર સ્થિતિ આ વર્ષની શરૂઆતમાં ભૂતપૂર્વ ક્રિકેટર સંદીપ પાટીલે સૌપ્રથમ હાઈલાઈટ કરી હતી. પાટીલે ખુલાસો કર્યો હતો કે ગાયકવાડ એક વર્ષથી વધુ સમયથી તેમની બીમારી સામે હિંમતથી લડી રહ્યા છે અને લંડનમાં તેમની સારવાર ચાલી રહી છે.
ગાયકવાડે વ્યક્તિગત રીતે પાટીલને તેમના નાણાકીય પડકારો વિશે જણાવ્યું હતું. પરિસ્થિતિ પર પ્રતિક્રિયા આપતા ભૂતપૂર્વ ક્રિકેટર દિલીપ વેંગસરકરે BCCI ટ્રેઝરર આશિષ સેલારનો સંપર્ક કર્યો. જેમણે નાણાકીય સહાયની વિનંતી પર ધ્યાન આપવાનું વચન આપ્યું.
1983 વર્લ્ડ કપ વિજેતા કેપ્ટન કપિલ દેવે પણ ગાયકવાડ માટે આર્થિક મદદ માટે હાથ લંબાવ્યો હતો. કપિલ દેવ, મોહિન્દર અમરનાથ, સુનીલ ગાવસ્કર, સંદીપ પાટીલ, દિલીપ વેંગસરકર, મદન લાલ, રવિ શાસ્ત્રી અને કીર્તિ આઝાદ જેવા ભૂતપૂર્વ ક્રિકેટ મહાનુભાવો સાથે તેમના બીમાર સાથીને મદદ કરવા માટે નાણાં એકત્ર કરવા માટે કામ કર્યું હતું.
ગાયકવાડ ટીમ ઈન્ડિયાના કોચ અને સિલેક્ટર પણ રહી ચૂક્યા છે : ગાયકવાડે 1997, 1999 અને 2000 વચ્ચે બે વખત ભારતીય ટીમના મુખ્ય કોચ તરીકે પણ સેવા આપી હતી. તેમના કોચિંગ હેઠળ ભારત 2000ની ચેમ્પિયન્સ ટ્રોફીમાં પણ રનર-અપ થયું હતું. જ્યારે તેઓ કોચ હતા ત્યારે અનિલ કુંબલેએ નવી દિલ્હીના અરુણ જેટલી સ્ટેડિયમમાં ટેસ્ટ ઇનિંગ્સમાં 10 વિકેટ લેનાર પ્રથમ ભારતીય બોલર બનવાનો રેકોર્ડ બનાવ્યો હતો. ગાયકવાડે 1990 ના દાયકામાં રાષ્ટ્રીય પસંદગીકાર અને ભારતીય ક્રિકેટર્સ એસોસિએશનના પ્રમુખ તરીકે પણ સેવા આપી હતી.
Published On - 9:31 am, Thu, 1 August 24