Winter Special Recipes : શિયાળાની કડકડતી ઠંડીમાં રેસ્ટોરન્ટ સ્ટાઈલ ટામેટો સૂપ બનાવવા અપનાવો આ રેસીપી, જુઓ તસવીરો
શિયાળામાં મોટાભાગના લોકોને ગરમ વસ્તુઓ ખાવાનું પસંદ હોય છે. ત્યારે તમે અવનવી હેલ્ધી અને ટેસ્ટી વાનગીઓ શું બનાવવી તેને લઈને કેટલાક લોકોને મૂંઝવણ હોય છે. તો આજે અમે તમને જણાવી શું કે રેસ્ટોરન્ટ સ્ટાઈલમાં કેવી રીતે ઘરે ટામેટા સૂપ બનાવી શકાય છે.
શિયાળો આવતાની સાથે જ ટામેટા બજારમાં સસ્તા ભાવે મળી જતા હોય છે. ત્યારે મોટાભાગના લોકોને ટામેટા સૂપ યાદ આવી જતો હોય છે. ગાર્લિક બ્રેડ સાથે અથવા બ્રેડ ક્રમ્સ સાથે ટામેટા સૂપનું સેવન કરવાનું બધા જ લોકોને પસંદ હોય છે.
ટામેટાનું સેવન કરવાથી અનેક લાભ થાય છે. ટામેટામાં વિટામિન-એ, વિટામિન-સી ફાઈબર, ફોલેટ અને કેલ્શિયમ જેવા અનેક તત્વો મળી આવે છે જે સ્વાસ્થ્ય માટે ખૂબ જ ફાયદાકારક માનવામાં આવે છે. તેમજ ટામેટાંમાં એન્ટી-ઓક્સીડેન્ટ ગુણ જોવા મળે છે.
ઘરે રેસ્ટોરન્ટ સ્ટાઈલમાં ટામેટા સૂપ બનાવવા માટે લસણ, બટર અથવા તેલ, હળદર, લાલ મરચું, કાળા મરી, મીઠું, પાણી, કોથમરી, ફુદીનો, જીરું સહિતની સામગ્રીની જરુરત પડશે.
ટામેટાનો સૂપ બનાવવા માટે સૌથી પહેલા ડુંગળી, ટામેટા, કોથમરીને સ્વચ્છ પાણીએ ધોઈને કાપી લો. ત્યારબાદ કુકરમાં બટર નાખી તેમાં જીરું, કાપેલા ટામેટા, ડુંગળી, મીઠું, કોથમરી ઉમેરો. જો તમે ઈચ્છો તો લીલું મરચું પણ તેમાં નાખી શકો છો. હવે તેમાં 2 કપ પાણી ઉમેરી એક સીટી વાગ્યે ત્યાં સુધી થવા દો.
ટામેટા બફાઈ જાય અને થોડાક ઠંડા થાય ત્યારબાદ તેને મેશ કરી દો. હવે તેમાં જો જરુર લાગે તો એક કપ પાણી ઉમેરી ગેસ પર ઉકળવા મુકો. આ મિશ્રણમાં મરી પાઉડર, ખાંડ, મીઠું અને ફુદીનો ઉમેરી ઉકળવા દો. જ્યારે ટામેટો સૂપ ઘટ્ટ થાય ત્યારે ગેસ બંધ કરી દો.
હવે તમે ગરમા ગરમ ટામેટા સૂપને બ્રેડ ક્રમ્સ અથવા ગાર્લિક બ્રેડ સાથે સર્વે કરી શકો છો. તેમજ તમારા ડાયટમાં અથવા તો બાળકોને એક હેલ્ધી ઓપશન તરીકે સેવન કરવી શકો છો. ( All Image - Getty Image )