Eye Care : સ્કિન, વાળ સાથે તમે તમારી આંખોની આ રીતે સંભાળ રાખો
શિયાળામાં આંખોમાં ડ્રાયનેસની સમસ્યા વધી જાય છે. જેનાથી આંખમાં ખંજવાળ આવવા લાગે છે અને બળતરા પણ થાય છે. તો ચાલો જાણીએ આંખોની કઈ રીતે સાર સંભાળ કરવી જોઈએ ચાલો જાણીએ.
આજકાલના ડિજિટલ યુગમાં કોઈ પણ કામ કોમ્પુટર, લેપટોપ, ટેબ કે પછી મોબાઈલ વગર સંભવ નથી. આપણી આંખ ખુબ સેન્સેટિવ હોય છે. તો ચાલો જાણીએ આંખને સુરક્ષિત રાખવા માટે કઈ કઈ રીતે ધ્યાન રાખવું જોઈએ.
શિયાળાની ઋતુ શરુ થઈ ચૂકી છે. લોકો શિયાળામાં પાણી પીવાનું ઓછી કરી દે છે. જેની સીધી અસર આપણી આંખોના સ્વાસ્થ પર પડે છે. દરરોજ વધુમાં વધુ પાણી પીવાનું રાખો જે સ્વાસ્થ માટે ખુબ જરુરી છે.
જે રીતે શરીરના વિવિધ અંગોને પોષક તત્વો જોઈએ છે તેવી જ રીતે આંખના સ્વાસ્થ માટે પણ પોષક તત્વોથી ભરપુર ડાયટ લેવું જરુરી છે. વિટામિન એ, સી અને ઈની સાથે સાથે ઓમેગા-3 ફેટી એસિડથી ભરપુર ફુડનું સેવન કરો. આ પોષક તત્વો આંખોને સ્વાસ્થ રાખવાનું કામ કરે છે.
આંખને સ્વસ્થ રાખવા માટે પ્રોપર લાઈટિંગનું ધ્યાન રાખવું ખુબ જરુરી છે. જો તમે ઓફિસમાં કે ઘરે બેસી લેપટોપ કે કોમ્પયુટર પર કામ કરી રહ્યા છો, તો લાઈટિંગનું વિશેષ ધ્યાન રાખજો.
જ્યારે પણ તમે બહાર નીકળી રહ્યા છો તો સનગ્લાસ જરુર પહેરો. ડિજિટલ સ્ક્રીન પર સતત કામ કરતી વખતે થોડા સમય માટે સ્ક્રીનથી બ્રેક લો. તેમજ લીલા શાકભાજીનું વધારે પ્રમાણમાં સેવન કરો.
નિયમિત રીતે આંખની તપાસ કરાવો.જો આંખોમાં કોઈ પ્રોબ્લેમ હોય તો બની તેટલી જલ્દી સારવાર કરાવી લો, કારણ કે, પછી આગળ જતા ગંભીર સમસ્યા ન બની શકે.