અમીર બની જશો.. Europe નો એવો દેશ જ્યાં Indian Rupee થઈ જાય છે ચાર ગણા મજબૂત, જાણો
યુરોપના આ દેશમાં સ્થાપત્ય, સંગીત અને સંસ્કૃતિનો અદ્ભુત વારસો છે. તેનો સમૃદ્ધ ઇતિહાસ, જેમાં બીજા વિશ્વયુદ્ધ અને ભયંકર ફુગાવાનો સમાવેશ થાય છે. મહત્વનું છે કે આ દેશમાં ભારતના રૂપિયા ચાર ગણ થઈ જાય છે.
યુદ્ધ પછી હંગેરીએ ઇતિહાસના સૌથી વિનાશક ફુગાવાનો સામનો કર્યો. અર્થવ્યવસ્થા ઠપ થઈ ગઇ અને ચલણની કિંમત શૂન્ય સુધી આવી ગઈ. સ્થિતિને સ્થિર કરવા માટે 1 ઑગસ્ટ 1946ના રોજ નવા ચલણ હંગેરિયન ફોરિન્ટ (HUF) નું પરિચય કરાયું. ફોરિન્ટ આજે પણ હંગેરીનું સત્તાવાર ચલણ છે અને હંગેરિયન નૅશનલ બેંક દ્વારા સંચાલિત છે. હંગેરી 2004માં યુરોપિયન યુનિયનમાં જોડાયું પરંતુ તેણે હજી સુધી યુરો અપનાવ્યો નથી.
આજના સમયમાં હંગેરીની અર્થવ્યવસ્થા મોટા પાયા પર નિકાસ પર આધારિત છે. ખાસ કરીને ઓટોમોબાઇલ, ઈલેક્ટ્રોનિક્સ અને મેન્યુફેક્ચરિંગ ક્ષેત્રોમાં વિદેશી રોકાણ નોંધપાત્ર છે. 1920ના દાયકાથી દેશે ઔદ્યોગિક વિકાસનો ઝડપી અનુભવ કર્યો છે, પરંતુ રાજકીય અને ન્યાયિક નીતિઓ અંગે સમયાંતરે યુરોપિયન સંસ્થાઓ સાથે વિવાદો પણ જોવા મળ્યા છે.
હંગેરીનું ચલણ ફોરિન્ટ (HUF) છે અને 2025માં સરેરાશ ગણતરી અનુસાર = 1 HUF = ₹0.24 – ₹0.28, અર્થાત્ 1 ભારતીય રૂપિયા = લગભગ 3.5 થી 4 હંગેરિયન ફોરિન્ટ, ભારતીય ચલણ હાલમાં હંગેરિયન ચલણ કરતાં ચાર ગણું નાણાકીય રીતે મજબૂત છે.
