Emirates Airlines: ભારતીયો માટે અમીરાત એરલાઇન્સની વિશેષ યોજના, EMIથી પણ કરી શકશો મુસાફરી
અમીરાત એરલાઇન્સે ભારતીય મુસાફરો માટે ફ્લેક્સિબલ EMI પેમેન્ટ સોલ્યુશન લોન્ચ કર્યું છે. હવે ગ્રાહકો ટિકિટના એકસાથે પૈસા ચૂકવવાના બદલે 3 થી 36 મહિનાના સરળ હપ્તા કરી શકશે.
અમીરાત એરલાઇન્સે તેના ભારતીય ગ્રાહકોના ફાયદા માટે એક નવું ફ્લેક્સિબલ પેમેન્ટ સોલ્યુશન રજૂ કર્યું છે, જેનાથી મુસાફરો માટે સસ્તી માસિક કિંમતે (EMI) વધુ સારી અને સુવિધાજનક મુસાફરી કરવાનું શક્ય બનશે. આ સુવિધા હવેથી જ ઉપલબ્ધ છે, જેના હેઠળ ભારતમાં અમીરાતના મુસાફરો એરલાઇન્સના વિશાળ નેટવર્કમાં સામેલ અંદાજે 140 ડેસ્ટિનેશન માટે ઇક્વેટેડ મંથલી ઇન્સ્ટોલમેન્ટના માધ્યમથી ચૂકવણી કરીને પોતાની મુસાફરી બુક કરી શકે છે. emirates.com પર એકસાથે તમામ નાણાં ચૂકવવાના બદલે, ગ્રાહકો તેમની ચૂકવણીને 3 થી લઈને 36 મહિના સુધીના ફ્લેક્સિબલ હપ્તાઓમાં વિભાજિત કરી શકે છે.
ગ્રાહકો આ પેમેન્ટ ઓપ્શન પસંદ કરવા માટે ફક્ત પોતાના ક્રેડિટ કાર્ડનો ઉપયોગ કરી શકે છે. આ યોજનામાં ભાગ લેનારી બેંકોમાં એક્સિસ બેંક (AXIS Bank), બેંક ઓફ બરોડા (Bank of Baroda), એચડીએફસી બેંક (HDFC Bank), એચએસબીસી બેંક (HSBC Bank), આઈસીઆઈસીઆઈ બેંક (ICICI Bank), આઈડીબીઆઈ બેંક (IDBI Bank), ઈન્ડસઈન્ડ બેંક (IndusInd Bank), કોટક મહિન્દ્રા બેંક (Kotak Mahindra Bank), આરબીએલ બેંક (RBL Bank), સ્ટાન્ડર્ડ ચાર્ટર્ડ બેંક (Standard Chartered Bank), સ્ટેટ બેંક ઓફ ઇન્ડિયા (State Bank of India) અને યેસ બેંક (Yes Bank) નો સમાવેશ થાય છે.
અમીરાત એરલાઇન્સના ભારત અને નેપાળના વાઇસ પ્રેસિડેન્ટ મોહમ્મદ સરહાને જણાવ્યું હતું કે, “અમે ભારતમાં અમારા મૂલ્યવાન ગ્રાહકોને ફ્લેક્સિબલ પેમેન્ટ સોલ્યુશન્સ ઓફર કરીને અને સુવિધાજનક ચૂકવણીના વિકલ્પો પ્રદાન કરીને વધુ ગ્રાહકો માટે વિશ્વવ્યાપી મુસાફરીનો આનંદ માણવાની તક પૂરી પાડતા ખૂબ જ આનંદ અનુભવીએ છીએ.”
તેમણે વધુમાં ઉમેર્યું કે, “આ ફ્લેક્સિબલ પેમેન્ટ સોલ્યુશન્સ ભારતમાં અમારા ગ્રાહકોને તેમની જરૂરિયાતોને અનુરૂપ પેમેન્ટ પ્લાન બુક કરવાની અને ભાગીદાર બેંકોના વિશાળ નેટવર્કમાંથી પસંદગી કરવાની તક આપશે. આ સોલ્યુશન ભારતમાં અમારા ગ્રાહકો માટે ગેમ-ચેન્જર સાબિત થશે, કારણ કે તે તેમને લાંબા સમયથી રાહ જોવાતી રજાઓનું બુકિંગ કરવા અથવા તેમના બજેટને અનુરૂપ સરળ માસિક હપ્તાઓમાં ચૂકવણી ફેલાવીને તેમના પ્રવાસના અનુભવોને અપગ્રેડ કરવાની મંજૂરી આપશે.”
અમીરાતનો આ ફ્લેક્સિબલ પેમેન્ટ પ્લાન ભારતમાં 12 પસંદગીની બેંકોના ગ્રાહકો માટે ઉપલબ્ધ છે. આ અંગેની વધુ માહિતી સત્તાવાર વેબસાઇટ https://www.emirates.com/in/english/special-offers/emi-instalment-payment/ પર ઉપલબ્ધ છે.
શરતો લાગુ અને તે બેંક અનુસાર બદલાઈ શકે છે, જેમાં પાત્રતાના માપદંડ, પ્રોસેસિંગ ફી, લાગુ પડતા વ્યાજ દરો અને પ્રોસેસિંગ સમયનો સમાવેશ થાય છે. ગ્રાહકોએ તેમની પસંદ કરેલી બેંકના આધારે હપ્તાની ચૂકવણી સાથે સંકળાયેલા લાગુ પડતા શુલ્ક/ફી ભોગવવાના રહેશે.
