Besan Chilla Recipe: ધૂળેટી રમીને થાકી ગયા છો ? ઝટપટ ઘરે બનાવો બેસન ચીલા
ગુજરાતમાં સામાન્ય રીતે ચણાના લોટની વાનગીઓ વધારે ખાવામાં આવતી હોય છે. પરંતુ કેટલીક વાનગીઓ બનાવવામાં સમય વધારે જાય છે.તો આજે અમે સરળતાથી અને ઝટપટ બનાવી શકાય તેવી વાનગી
મોટાભાગના લોકો ઘરે બેસનના ચીલા બનાવવતા હોય છે. પરંતુ નાની નાની ચૂક થઈ જવાના કારણે ચીલા પાતળા અને ગોળ બનતા નથી. તો કેટલીક વાર ચીલા તુટી જાય છે.
બેસનના ચીલા બનાવવા માટે બેસન, હળદર, લાલ મરચું, ધાણાજીરું, મીઠું, ડુંગળી, લીલા મરચા, આદુ, લસણની પેસ્ટ, લીલા ધાણા સહિતની સામગ્રીની જરુર પડશે.
એક મોટા બાઉલમાં બેસન લો. તેમાં હળદર, લાલ મરચા પાઉડર, ધાણાજીરું અને સ્વાદ અનુસાર મીઠું ઉમેરો. ધીમે- ધીમે પાણી ઉમેરીને બેટર તૈયાર કરો. ધ્યાન રાખો બેટરમાં ગાંઠા ન રહી જાય.
હવે ખીરામાં સમારેલી ડુંગળી, લીલું મરચું, આદુ - લસણની પેસ્ટ, લીલા ધાણા ઉમેરી બધુ જ બરાબર મિક્સ કરી લો. જો તમારે આ તમામ સામગ્રી ઉપર નાખવી હોય તો તમે એવી રીતે પણ ચીલા બનાવી શકો છો.
એક નોન-સ્ટિક તવાને ગરમ કરો. તેના પર થોડું તેલ અથવા બટર ઉમેરો. ત્યારબાદ એક ચમચો બેટર તવા પર નાખી તેને ગોળ આકારમાં ફેલાવી લો. ત્યારબાદ તેમાં થોડું તેલ છાંટો અને મધ્યમ આંચ પર ગોલ્ડન બ્રાઉન થાય ત્યાં સુધી પકવવા દો.