વીજળીના મીટર પર ચુંબક લગાવવાથી બિલ અડધું થઈ જશે? જાણો શું છે આ વાયરલ ટ્રીક!
શું તમે પણ લાઈટબિલ ઓછું કરવા માટે મીટર પર ચુંબક લગાવવાની વાયરલ ટ્રીક વિશે વિચારશો છો? જાણો આ ટ્રીક પાછળનું સાચું વિજ્ઞાન અને કાનૂની જોખમ!
સોશિયલ મીડિયા પર અવારનવાર એવો દાવો કરવામાં આવે છે કે વીજળીના મીટર પાસે શક્તિશાળી ચુંબક ચોંટાડવાથી યુનિટ ઓછા નોંધાય છે અને લાઈટબિલ અડધું થઈ જાય છે.
વર્ષો પહેલાં વપરાતા જૂના મીટરમાં એલ્યુમિનિયમ કે મેટલની ગોળ ફરતી ડિસ્ક આવતી હતી. વિદ્યુત વપરાશ વધવાની સાથે આ ડિસ્ક ઝડપથી ફરતી અને તેના આધારે રીડિંગ નક્કી થતું હતું.
જૂના સમયમાં જ્યારે મીટર બહાર ચુંબક મૂકવામાં આવતું, ત્યારે ચુંબકીય બળ (Magnetic Force) ને કારણે અંદરની ધાતુની ડિસ્ક ઘૂમવાની ઝડપ ધીમી પડી જતી હતી, જેથી યુનિટ ઓછા નોંધાતા હતા.
આજના આધુનિક યુગમાં જૂના મીટર બદલાઈ ચૂક્યા છે. હવે ઘરોમાં ડિજિટલ અને સ્માર્ટ મીટર લગાવવામાં આવ્યા છે, જેમાં કોઈ પણ પ્રકારની મિકેનિકલ કે ફરે તેવી મેટલ ડિસ્ક હોતી નથી.
આજના સ્માર્ટ મીટરમાં અદ્યતન માઇક્રોચિપ અને ઈલેક્ટ્રોનિક સેન્સર્સ હોય છે, જે પાવર વપરાશનું એકદમ સચોટ ગણતરી સેકન્ડોમાં કરી લે છે.
નવતર ટેકનોલોજી વાળા સ્માર્ટ મીટરમાં ખાસ 'મેગ્નેટ ડિટેક્શન સેન્સર' હોય છે. જો કોઈ ચુંબક નજીક લાવે તો મીટર તરત જ છેડછાડની નોંધ વીજ કંપનીના સર્વર સુધી પહોંચાડી દે છે.
વધારે પાવરફુલ ચુંબક મૂકવાથી ડિજિટલ મીટરની ચિપ કાયમ માટે બળી શકે છે. ઉપરાંત, વીજ મીટર સાથે છેડછાડ કરવી એ કાનૂની ગુનો છે, જેનાથી ભારે દંડ કે જેલની સજા થઈ શકે છે.
