Stock Market: ડિવિડન્ડનો ધડાકો! આ ‘6 કંપની’ કરશે ‘પૈસાનો વરસાદ’, રોકાણકારો માટે કમાણીનો ‘ડબલ ડોઝ’
શેરબજારમાં રોકાણ કરનારાઓ માટે આગામી અઠવાડિયું ભારે હલચલ મચાવનારું સાબિત થશે. વાત એમ છે કે, ફેબ્રુઆરીના છેલ્લા અઠવાડિયામાં શેરબજારની 6 મોટી કંપનીઓ પોતાના રોકાણકારોને ડિવિડન્ડની ભેટ આપવા જઈ રહી છે.
સોમવારે સૌથી પહેલો નંબર 'PI Industries Ltd' નો છે. કંપનીનો સિક્યુરિટી કોડ 523642 અને સિક્યુરિટી નેમ PIIND છે. કંપનીએ 23 ફેબ્રુઆરી 2026 ના રોજ એક્સ-ડેટ (Ex-Date) અને રેકોર્ડ ડેટ નક્કી કરી છે. કંપની શેર દીઠ 5 રૂપિયાનું વચગાળાનું ડિવિડન્ડ (Interim Dividend) આપી રહી છે. ટૂંકમાં, જે રોકાણકારો પાસે 23 ફેબ્રુઆરી સુધી કંપનીના શેર હશે, તેઓ આ ડિવિડન્ડ મેળવવાના હકદાર રહેશે.
ત્યારબાદ AK Capital Services Ltd (સિક્યુરિટી કોડ 530499, સિક્યુરિટી નેમ AKCAPIT) 24 ફેબ્રુઆરી 2026 ના રોજ એક્સ-ડેટ પર ટ્રેડ કરશે. આની રેકોર્ડ ડેટ પણ 24 ફેબ્રુઆરી 2026 જ છે. કંપનીએ શેર દીઠ 22 રૂપિયાનું વચગાળાનું ડિવિડન્ડ જાહેર કર્યું છે.
25 ફેબ્રુઆરી 2026 ના રોજ NBCC (India) Ltd (સિક્યુરિટી કોડ 534309, સિક્યુરિટી નેમ NBCC) નો વારો છે. કંપનીએ શેર દીઠ 0.1200 રૂપિયાનું વચગાળાનું ડિવિડન્ડ જાહેર કર્યું છે. એક્સ-ડેટ (Ex-Date) અને રેકોર્ડ ડેટ બંને 25 ફેબ્રુઆરી 2026 નક્કી કરવામાં આવી છે.
26 ફેબ્રુઆરી 2026 ના રોજ Stratmont Industries Ltd (સિક્યુરિટી કોડ 530495, સિક્યુરિટી નેમ STRATMONT) એક્સ-ડેટ પર જશે. કંપની શેર દીઠ 0.1000 રૂપિયાનું વચગાળાનું ડિવિડન્ડ આપી રહી છે. રેકોર્ડ ડેટ પણ 26 ફેબ્રુઆરી 2026 જ છે.
27 ફેબ્રુઆરી 2026 ના રોજ બે કંપનીઓ (Dhunseri Ventures Ltd અને Spice Islands Industries Ltd) એકસાથે એક્સ-ડેટ પર ટ્રેડ કરશે. Dhunseri Ventures Ltd કંપનીએ શેર દીઠ 3.5000 રૂપિયાનું વચગાળાનું ડિવિડન્ડ જાહેર કર્યું છે. આ માટે એક્સ-ડેટ અને રેકોર્ડ ડેટ 27 ફેબ્રુઆરી 2026 નક્કી કરાઈ છે.
તે જ દિવસે Spice Islands Industries Ltd (સિક્યુરિટી કોડ 526827, સિક્યુરિટી નેમ SPICEISLIN) પણ એક્સ-ડેટ પર જશે. કંપની શેર દીઠ 0.5000 રૂપિયાનું વચગાળાનું ડિવિડન્ડ આપી રહી છે. આની રેકોર્ડ ડેટ પણ 27 ફેબ્રુઆરી 2026 છે.
માર્કેટ એક્સપર્ટના જણાવ્યા અનુસાર, ડિવિડન્ડના કિસ્સામાં એક્સ-ડેટ (Ex-Date) ખૂબ જ મહત્વપૂર્ણ હોય છે. જો કોઈ રોકાણકાર એક્સ-ડેટ પહેલા શેર ખરીદે છે અને રેકોર્ડ ડેટ સુધી તેની પાસે શેર રહે છે, તો જ તેને ડિવિડન્ડ મળે છે. એક્સ-ડેટના દિવસે કે તેના પછી શેર ખરીદવા પર તે વખતનું ડિવિડન્ડ મળતું નથી.
