Defence Budget : સંરક્ષણ ક્ષેત્ર માટે મહત્વપૂર્ણ જાહેરાતો, કુલ 6.2 લાખ કરોડ રુપિયાની ફાળવણી, જાણો શું ખાસ
ભારત સરકારે 2025ના સંરક્ષણ બજેટમાં મહત્વપૂર્ણ સુધારા અને નવી યોજનાઓની જાહેરાત કરી છે, જે દેશના સંરક્ષણ ક્ષેત્રને આત્મનિર્ભર અને આધુનિક બનાવવાની દિશામાં મજબૂત પગલાં છે. બજેટમાં આજે નાણાંમંત્રી નિર્મલા સીતારમણ દ્વારા કુલ ₹6.2 લાખ કરોડની જાહેરાત કરવામાં આવી છે.
"મેક ઇન ઇન્ડિયા" પહેલ અને સ્વદેશી ઉત્પાદન: સરકાર 75% બજેટને સ્વદેશી સંરક્ષણ ઉત્પાદનો માટે ફાળવશે, જે દેશની આત્મનિર્ભરતા અને સ્થાનિક ઉત્પાદકતાને પ્રોત્સાહન આપશે. નવી યોજનાઓ હેઠળ, આગામી 5 વર્ષમાં 500થી વધુ સંરક્ષણ MSMEsને વિકાસ માટે અવસર આપવામા આવશે, તેમજ "આત્મનિર્ભર ભારત સંરક્ષણ યોજના" અંતર્ગત નવું સંરક્ષણ ઉત્પાદન શરૂ કરવામાં આવશે.
ખાનગી ક્ષેત્ર અને સ્ટાર્ટઅપ્સ માટે નવી તકો: ખાનગી ક્ષેત્રની ભાગીદારી વધારવા માટે નવા "સંરક્ષણ કોરિડોર" ની સ્થાપના કરવામાં આવશે, જે સંરક્ષણ ઉદ્યોગ સાથે જોડાયેલા સ્ટાર્ટઅપ્સ અને MSMEs માટે નવો માર્ગપ્રશસ્ત કરશે. "iDEX (ઇનોવેશન્સ ફોર ડિફેન્સ એક્સેલન્સ)" સ્કીમ અંતર્ગત આંકડાકીય સહાય પૂરી પાડવામાં આવશે, જે નવા ટેકનોલોજી અને ઉત્પાદન માટે મદદરૂપ રહેશે.
સંરક્ષણ નિકાસને પ્રોત્સાહન: વિશ્વમાં ભારતની સામેલતા વધારવા માટે, સંરક્ષણ નિકાસને $10 બિલિયન સુધી વધારવાનો લક્ષ્ય રજૂ કરવામાં આવ્યો છે. બ્રહ્મોસ મિસાઈલ, LCA તેજસ અને અન્ય અત્યાધુનિક સંરક્ષણ સાધનોની નિકાસને પ્રોત્સાહન આપવામાં આવશે. "ભારતટ્રેડનેટ" પોર્ટલ દ્વારા વૈશ્વિક પુરવઠા શૃંખલામાં જોડાવાની તક પ્રદાન કરવામાં આવશે.
આધુનિકીકરણ અને સાયબર સુરક્ષા: આ બજેટમાં સાયબર સુરક્ષા અને આધુનિકીકરણ માટે વિશેષ પધ્ધતિઓ અપનાવવામાં આવી છે. "નેશનલ જીઓસ્પેશિયલ મિશન" દ્વારા ડિજિટલ સંરક્ષણ વ્યૂહરચના તૈયાર કરવામાં આવશે અને AI આધારિત યુદ્ધ પ્રણાલીઓ અને લશ્કરી સાધનો પર વધારે ધ્યાન આપવામાં આવશે.
Published On - 2:57 pm, Sat, 1 February 25
