મહિલાઓની આ મનપસંદ વસ્તુ ડી-માર્ટમાં કેમ નથી મળતી? કારણ જાણીને તમને પણ નવાઈ લાગશે
ભારતમાં ડી-માર્ટ (D-Mart) લાખો ગ્રાહકો માટે સૌથી વિશ્વસનીય અને લોકપ્રિય રિટેલ સ્ટોર ચેઇન્સમાંની એક છે. કરિયાણા, ઘરગથ્થુ ઉપયોગની વસ્તુઓ, રસોડાના ઉપકરણો અને તૈયાર કપડાં સહિત અનેક પ્રોડક્ટ્સ અહીં અન્ય બજારની સરખામણીએ સસ્તા ભાવે ઉપલબ્ધ હોય છે. તેથી જ મોટી સંખ્યામાં લોકો તેમની રોજિંદી ખરીદી માટે ડી-માર્ટને પ્રથમ પસંદગી બનાવે છે.
ડી-માર્ટમાં મહિલાઓ માટે કુર્તી, લેગિંગ્સ, ટી-શર્ટ અને અન્ય તૈયાર વસ્ત્રોના ઘણા વિકલ્પો જોવા મળે છે. જોકે, ઘણા ગ્રાહકોના ધ્યાનમાં એક ખાસ બાબત આવી છે કે મોટાભાગની ડી-માર્ટ શાખાઓમાં સાડીઓ વેચાણ માટે ઉપલબ્ધ નથી. ત્યારે સવાલ થાય કે આખરે એવું કેમ?
હકીકતમાં, તેની પાછળ ડી-માર્ટની ખાસ બિઝનેસ સ્ટ્રેટેજી જવાબદાર છે. કંપનીનો મુખ્ય ફોકસ એવી વસ્તુઓ પર હોય છે જેનો રોજિંદા જીવનમાં સૌથી વધુ ઉપયોગ થાય છે અને જે મોટા જથ્થામાં વેચાય છે. ઓછા નફાના માર્જિન સાથે વધુ વેચાણ કરીને કંપની ગ્રાહકોને સસ્તા ભાવે પ્રોડક્ટ્સ ઉપલબ્ધ કરાવવામાં સફળ રહે છે.
સાડીનો વ્યવસાય અન્ય કપડાં કરતાં ઘણો અલગ છે. સાડીઓમાં ડિઝાઇન, કાપડ, રંગ, પેટર્ન અને ફેશન ટ્રેન્ડ્સની વિશાળ વિવિધતા હોય છે. આ કારણે વિવિધ પ્રકારનો સ્ટોક રાખવો પડે છે, જે માટે વધુ જગ્યા, વધારે રોકાણ અને સતત સ્ટોક મેનેજમેન્ટની જરૂર પડે છે.
ડી-માર્ટનું મોડલ ઓછા ખર્ચે અને ઝડપથી વેચાતી પ્રોડક્ટ્સ પર આધારિત હોવાથી સાડીઓ જેવા કેટેગરીમાં રોકાણ કરવું કંપની માટે એટલું ફાયદાકારક માનવામાં આવતું નથી. તેથી કંપની સામાન્ય રીતે કરિયાણા, દૈનિક ઉપયોગની વસ્તુઓ અને ઝડપી વેચાણ થતી પ્રોડક્ટ્સ પર વધુ ભાર મૂકે છે.
જો કે, નોંધનીય છે કે કેટલીક જગ્યાએ આવેલી પસંદગીની ડી-માર્ટ શાખાઓમાં મર્યાદિત પ્રમાણમાં સાડીઓ ઉપલબ્ધ હોઈ શકે છે. પરંતુ દેશભરની મોટાભાગની શાખાઓમાં સાડીઓનો અલગ વિભાગ જોવા મળતો નથી. આ નિર્ણય સંપૂર્ણપણે કંપનીની વ્યવસાયિક નીતિ અને સ્ટોક મેનેજમેન્ટ પર આધારિત છે.
